DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Abşeron rayon sakini Şahlar Aslanov DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq ona dəymiş ziyanın ödənilməsində göstərdikləri köməyə görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir. O, Azərbaycan Polisinin gərgin xidməti fəaliyyətini təqdir edir, çətin və şərəfli yolda uğurlar diləyir.

Balakən rayonu Katex kənd bələdiyyəsi Cavanşir Piriyev Katex kənd sakinləri tərəfindən DİN rəhbərliyinə ünvanladığı təşəkkür məktubunda Azərbaycan Polisinə xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə minnətdarlığını ifadə edir.

Lənkəran rayonunda yaşayan Elşən İmanov Daxili İşlər Nazirliyinə ünvanladığı məktubunda vətəndaş müraciətlərinə həssas yanaşıldığına və obyektiv baxıldığına görə Nizami RPİ-nin 23 Polis Bölməsinin əməkdaşlarına minnətdarlığını bildirir.

Neftçala rayonunun Pirəbbə kəndində yaşayan Kamil Ağayev Daxili İşlər Nazirliyinə ünvanladığı məktubunda rayon ərazisində cinayətkarlıqla qətiyyətli mübarizə apardıqlarına, ictimai asayişin və ictimai təhlükəsizliyin etibarlı qorunmasına, vətəndaş müraciətlərinə həssaslıqla yanaşılmasına görə gecə-gündüz yorulmadan xidmət apararaq üzərinə düşən vəzifələri layiqincə yerinə yetirən Neftçala Rayon Polis Şöbəsinin əməkdaşlarına minnətdarlığını bildirir.

DİN-in “İnstagram” səhifəsinin izləyicisi olan Bakı şəhər sakini Cavid Hüseynzadə həftə sonları Sabunçu rayonu "Sabunçu vağzalı" adlanan ərazidə qeyri-qanuni parklanmanın piyadaların hərəkətinə maneə yaratdığını qeyd edərək müvafiq tədbirlərin görülməsi ilə bağlı müraciət etmişdi. O, müraciətinə dərhal reaksiya verildiyini, Sabunçu DYPŞ-nin əməkdaşları tərəfindən təhlükəsizlik tədbirlərinin həyata keçirildiyini qeyd edir. C.Hüseynzadə vətəndaş müraciətlərinə çevik reaksiya verilməsinə, eyni zamanda operativliyə görə DİN rəhbərliyinə və Sabunçu DYPŞ-nin əməkdaşlarına minnətdarlığını bildirir.

Bakı şəhər sakini Rəfael Əliyev üzləşdiyi problemlə bağlı Daxili İşlər Nazirliyinin “İnstagram” səhifəsi vasitəsilə Nazirliyə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Bakı şəhər sakini Səxavət Əliyev ünvanladığı müraciətinə operativ baxıldığını, Binəqədi Rayon Polis İdarəsinin 5-ci Polis Bölməsi tərəfindən obyektiv araşdırılaraq qısa müddətdə müsbət həll olunduğunu qeyd edərək minnətdarlığını bildirir.

Bakı şəhər sakini Hafiz Heydərovun DİN-in “Facebook” səhifəsinə yazdığı mesajı diqqətinizə çatdırırıq: “Salam. Dələduzluğa məruz qalmağımla bağlı sizə ünvanladığım şikayət ötən gün ərzində ciddi şəkildə araşdırıldı. Daxili İşlər Nazirliyinin, Bakı şəhər Baş Polis İdarəsinin rəhbərliyinin tapşırığı, Cinayət Axtarış İdarəsi əməkdaşlarının peşəkarlığı sayəsində 3 aydır mebelin pulunu alıb yoxa çıxan şəxs tapıldı və mənə dəymiş maddi ziyanın ödətdirilməsi təmin edildi. Cəmiyyətdə üzləşdiyimiz belə hallara qarşı Azərbaycan Polisinin apardığı mübarizə, göstərmiş olduğu operativ reaksiya məni çox məmnun etdi. Əmin oldum ki, Azərbaycan cəmiyyətinin, vətəndaşlarımızın görmək arzusunda olduğu polis imici artıq formalaşıb. Vətəndaşları narahat edən belə hallara qarşı göstərilən diqqətə və həyata keçirilən operativ tədbirlərə görə Daxili İşlər Nazirliyinin rəhbərliyinə və Bakı şəhər Baş Polis İdarəsinin əməkdaşlarına təşəkkür edirəm.”

Quba rayon sakini Fərid Laçınov müraciətinə həssas yanaşıldığına və göstərilən köməkliyə görə DİN rəhbərliyinə və Quba Rayon Polis Şöbəsinin əməkdaşlarına minnətdarlığını bildirir.