Bakı şəhər sakini Rüfət Salmanov dələduzluğa məruz qalması barədə etdiyi müraciətə Sabunçu Rayon Polis İdarəsinin 14-cü Polis Bölməsinin əməkdaşları tərəfindən dərhal reaksiya verildiyinə və məsələnin araşdırılaraq ona dəymiş ziyanın ödətdirilməsində göstərilən köməkliyə görə DİO əməkdaşlarına dərin təşəkkürünü bildirir.

Bakı şəhər sakini Vaqif Hüseynov “102” Xidməti-Zəng Mərkəzinin əməkdaşları tərəfindən vətəndaşlara göstərilən yüksək səviyyədə xidmətə, onların müraciət edən şəxslərlə həssas və nəzakətli şəkildə ünsiyyət saxladıqlarına görə polis əməkdaşlarına dərin minnətdarlıq edir, onlara gələcək fəaliyyətlərində uğurlar arzu edir.

Bakı şəhər sakini Y.Kats DİN-in “İnstagram” səhifəsi vasitəsilə ünvanladığı müraciətinə operativ baxıldığını, Nərimanov Rayon Polis İdarəsində qəbul edilərək dinlənildiyini və müvafiq araşdırmalara başlanıldığını qeyd edir, müraciətinə diqqətlə yanaşılmasına və operativliyə görə DİN rəhbərliyinə təşəkkürünü bildirir.

Azərbaycan Respublikasının Gənclər və İdman Nazirliyindən Daxili İşlər Nazirliyinə ünvanlanan məktubda Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Azsərbaycan Ordusunun Vətən müharibəsində qazandığı möhtəşəm Zəfərin ildönümünə həsr olunmuş, 9 noyabr 2021-ci il tarixdə Dənikənarı Milli Parkda keçirilən “Qürurla irəli” şüarı ilə “Qələbə qaçışı” xeyriyyə marafonunun keçirilməsində göstərilən dəstəyə görə DİN rəhbərliyinə təşəkkür ifadə olunur. 

Azərbaycan Respublikası “Azərenerji” ASC-dən Daxili İşlər Nazirliyinə ünvanlanmış təşəkkür məktubunda 27 oktyabr 2021-ci il tarixdə Nərimanov rayonu Ziya Bünyadov prospekti ərazisində yerləşən Azərenerji ASC-nin yüksək gərginlikli hava elektrik verilişi xətlərinin mühafizə zonasının boşaldılmasında, ərazinin boşaldılması zamanı yaranan narazılıqların səbəblərinin araşdırılmaqla aradan qaldırılmasında və ictimai asayişin qorunmasında Nərimanov Rayon Polis İdarəsinin əməkdaşlarının fəal köməklik göstərdiyi qeyd olunur.

Yüksək gərginlikli hava elektrik verilişi xətlərinin mühafizə zonasının tələblərinin bərpa olunmasında göstərilən köməkliyə görə DİN rəhbərliyinə və hər bir polis əməkdaşına minnətdarlıq ifadə olunur.

Mehriban Sadiqova DİN-in İnstagram səhifəsinə oğluna məxsus mopedin oğurlanması ilə bağlı etdiyi müraciətə operativ baxılmasına və müraciətinin təmin olunmasında göstərilən köməkliyə görə DİN Mətbuat Xidmətinə və Sabunçu Rayon Polis İdarəsinin əməkdaşlarına minnətdatlıq edir.

Nuranə Surxayeva DİN-in İnstagram səhifəsinə ünvanladığı məktubunda etdiyi müraciətə tez bir zamanda baxılmasına və müraciətinin təmin olunmasında göstərilən köməkliyə görə Qaradağ Rayon Polis İdarəsi 11-ci PB-nin əməkdaşlarına minnətdatlıq edir.

DİN-in “Facebook” səhifəsinin izləyicisi, Şəki rayon sakini Murad Məmmədov səhifə vasitəsi ilə etdiyi müraciətə operativ baxılaraq qısa müddətdə müsbət həll edildiyinə görə DİN rəhbərliyinə və Nəsimi RPİ 20-ci Polis Bölməsinin əməkdaşlarına təşəkkürünü bildirir.

Ölkə xaricində yaşayan E.Aslangil DİN-in sosial şəbəkələrdəki səhifəsi vasitəsi ilə etdiyi müraciətə operativ reaksiya verildiyinə və qısa müddətdə araşdırılaraq müsbət həll edildiyinə görə DİN rəhbərliyinə minnətdarlığını bildirir.