Bakı şəhər sakini Yaqub Quliyev Daxili İşlər Nazirliyinə ünvanladığı məktubunda avtomobilinin oğurlanması ilə əlaqədar etdiyi müraciətinə opreativ baxıldığını, keçirilən tədbirlərlə qısa müddət ərzində tapılaraq özünə təhvil verildiyini qeyd edərək cinayətkarlıqla mübarizədə peşəkar fəaliyyətə görə DİN-in rəhbərliyinə və Suraxanı Rayon Polis İdarəsinin 30-cu Polis Şöbəsinin əməkdaşlarına təşəkkürünü bildirir.

Bakı şəhər sakini Kamran Həsənov Daxili İşlər Nazirliyinə ünvanladığı məktubunda müraciəti üzrə Bakı Şəhər Baş Polis İdarəsi tərəfindən obyektiv araşdırma aparıldığını və qısa müddətdə müsbət həll olunduğunu qeyd edərək DİN-in rəhbərliyinə və Bakı Şəhər BPİ-nin əməkdaşlarına minnətdarlığını bildirir.

Vətəndaş Elmar Zeynalov DİN-in “Instagram” səhifəsinə təşəkkür mesajı ünvanlayıb: “16.07.2026-cı il tarixində Budapeşt–Bakı reysi ilə Azərbaycana qayıdarkən özümə məxsus saatı itirdiyimi aşkarladım və bununla əlaqədar Hava Nəqliyyatında Polis İdarəsinin əməkdaşlarına müraciət etdim. Polis əməkdaşları müraciətimə dərhal operativ reaksiya göstərərək saatımı tapıb mənə təhvil verdilər. Buna görə Hava Nəqliyyatında Polis İdarəsinin rəhbərliyinə və bu işdə əməyi olan bütün polis əməkdaşlarına öz dərin minnətdarlığımı və təşəkkürümü bildirirəm”. 

Sosial şəbəkə istifadəçisi Turqay Məhərləmov DİN-in “Instagram” sosial şəbəkə hesabına yazdığı mesajında müraciətinə qısa müddətdə baxılması və məsələnin müsbət həll edilməsində göstərilən köməkliyə görə DİN rəhbərliyinə təşəkkür edir.

Sosial şəbəkə istifadəçisi Elməddin Hüseynov Daxili İşlər Nazirliyinə ünvanladığı təşəkkür mesajında Pirallahı rayonu ərazisində baş vermiş yol-nəqliyyat hadisəsi ilə bağlı hadisə yerinə gələn polis əməkdaşlarının məsələyə qərəzsiz, obyektiv və peşəkar yanaşdıqlarını bildirib. O, peşəkar xidmətə görə Pirallahı Rayon Dövlət Yol Polisi Şöbəsinin rəhbərliyinə və polis əməkdaşlarına minnətdarlığını ifadə edir.

Sosial şəbəkə istifadəçisi Vüsalə Yusifli “Instagram” sosial şəbəkəsi vasitəsilə Daxili İşlər Nazirliyinə ünvanladığı təşəkkür mesajında bildirir ki, itirdiyi çantası ilə bağlı aidiyyəti üzrə müraciət edib və polis əməkdaşlarının operativ fəaliyyəti nəticəsində çantası qısa müddətdə tapılaraq özünə təhvil verilib. O, buna görə Hava Nəqliyyatında Polis İdarəsinin rəisi başda olmaqla, axtarışda iştirak edən bütün əməkdaşlara dərin təşəkkürünü ifadə edir.

Vətəndaş Fəridə Çidəm DİN rəhbərliyinə ünvanladığı məktubunda Baş Pasport Qeydiyyat və Miqrasiya İdarəsində ona və ailə üzvlərinə göstərilən yüksək səviyyəli xidmətə və qayğıkeş münasibətə görə polis əməkdaşlarına təşəkkürünü bildirir.

Sosial şəbəkə istifadəçisi Aliyə Vəliyeva “Instagram” sosial şəbəkəsi vasitəsilə Daxili İşlər Nazirliyinə ünvanladığı təşəkkür mesajında iştirakçısı olduğu yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmanın nəticəsindən razı qaldığını bildirir. Polis əməkdaşlarının vətəndaşa göstərdiyi diqqət və qayğıdan razı qaldığını bildirən A.Vəliyeva başda DİN rəhbərliyi olmaqla, polis əməkdaşlarına dərin təşəkkürünü ifadə edir.

Sosial şəbəkə istifadəçisi Nigar Məmmədova oğluna dəymiş maddi zərərin ödətdirilməsində göstərilən köməkliyə görə Daxili İşlər Nazirliyinin rəhbərliyinə və Xətai Rayon Polis İdarəsinə təşəkkürünü ifadə edir.