Quba rayon sakini Balayar Aslanov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyi və Quba RPŞ-nin əməkdaşlarına təşəkkür edir.

“Tut Əlimdən” Uşaq Reabilitasiya Mərkəzindən Daxili İşlər Nazirliyinə təşəkkür məktubu ünvanlanıb. Məktubda mərkəzdə təşkil olunan bayram şənlikləri, müxtəlif tədbirlər və ekskursiyalar zamanı polis əməkdaşları tərəfindən göstərilən dəstəyə, həmçinin mərkəzin kollektivinə və oradakı uşaqlara qarşı diqqət və qayğıya görə  DİN rəhbərliyinə minnətdarlıq ifadə olunur.

Füzuli rayon sakini Ceyran Rüstəmova DİN-ə ünvanladığı məktubunda müraciətinə həssas yanaşılmasına, həmçinin bununla bağlı həyata keçirilən tədbirlərə görə DİN rəhbərliyinə təşəkkür edir. 

Quba rayon sakini Təviz Dadaşov DİN-ə ünvanladığı məktubunda müraciətinə operativ baxıldığını, obyektiv araşdırıldığını və müsbət həllinin təmin olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilən tədbirlərə görə Quba RPŞ-nin əməkdaşlarına təşəkkür edir.

Sosial şəbəkə istifadəçiləri Məhəmməd Qurbanov və Nüşabə Muxtarova DİN-in sosial şəbəkə səhifəsinə yazdıqları mesajlarında xidməti vəzifələrini və peşə fəaliyyətlərini layiqincə yerinə yetirdiklərinə görə Azərbaycan Respublikası və Naxçıvan MR DİN-in rəhbərliklərinə və əməkdaşlarına minnətdarlığını bildirirlər.

Şahbuz rayon sakinləri Ayxan Qasımov və Niyaməddin Qasımov DİN-ə ünvanladıqları məktublarında etdikləri müraciətlərinə həssas yanaşılmasına və müsbət həllinin təmin olunmasına görə Azərbaycan Respublikası və Naxçıvan MR DİN-in rəhbərliklərinə təşəkkür edirlər.

Bakı şəhər sakini Rəhimə Əsgərova Daxili İşlər Nazirliyinə təşəkkür məktubu ünvanlayıb. O, paytaxtın İçərişəhər ərazisində keçirilən tədbirlərin birində iştirak edərkən fiziki məhdudiyyətli övladının vəziyyətinin qəflətən pisləşdiyini, bu zaman Səbail rayonu ərazisində xidmət aparan polis əməkdaşlarının dərhal onlara yaxınlaşaraq zəruri köməklik göstərdiklərini bildirir. O, belə humanist və qayğıkeş münasibətə görə Səbail RPİ-nin əməkdaşlarına təşəkkür edir.

Sosial şəbəkə istifadəçisi Azər Hüseynov DİN-in “İnstagram” səhifəsinə yazdığı mesajında baş vermiş avtoqəza ilə əlaqədar aparılmış araşdırmadan məmnun qaldığını qeyd edərək Nərimanov Rayon Polis İdarəsinin rəhbərliyinə təşəkkürünü bildirir.

Bakı şəhəri sakini Xəyalə Novruzova müraciətinə operativ baxılaraq ona dəyən maddi ziyanın ödətdirilməsində göstərdikləri köməkliyə görə Yasamal Rayon Polis İdarəsinin əməkdaşlarına minnətdarlıq edir.