Vətəndaş Sübhan Qasımlı DİN-in “Instagram” səhifəsinə yazdığı təşəkkür mesajında pulqabısını itirməsi barədə Səbail RPİ-nin 9-cu Polis Bölməsinə müraciət etdiyini, polis əməkdaşları tərəfindən qısa müddətdə pulqabısının tapılaraq ona təhvil verildiyini yazır. O, müraciətinə diqqətlə yanaşılmasına və keçirilən operativ tədbirlərə görə DİN-in rəhbərliyinə və Səbail Rayon Polis İdarəsinin əməkdaşlarına təşəkkürünü bildirir. 

Vətəndaş İsax Hacıyev DİN-in “Instagram” səhifəsinə təşəkkür mesajı ünvanlayıb: “Nərimanov rayonunun Təbriz küçəsində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və araşdırmadan razı qaldım. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Vətəndaş Asif Aslanov DİN-in “Facebook” səhifəsinə təşəkkür mesajı yazıb. O, üzləşdiyi problemlə bağlı 23-cü Polis Bölməsinə müraciət etdiyini bildirir. 
A.Aslanov müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Nizami RPİ-nin 23-cü Polis Bölməsinə təşəkkürünü bildirir.

Vətəndaş Nərmin Güvən DİN-in “Instagram” səhifəsinə təşəkkür mesajında müraciətilə bağlı Nərimanov Rayon Polis İdarəsində qəbul edildiyini və ona hüquqları izah olunmaqla zəruri köməkliklərin göstərildiyini qeyd edərək DİN-in rəhbərliyinə və Nərimanov RPİ-nin əməkdaşlarına təşəkkürünü bildirir.

Bakı şəhər sakini Vaqif Mirzəzadə Daxili İşlər Nazirliyinə ünvanladığı məktubunda səhhəti ilə bağlı müraciət etdiyi DİN-in Tibb İdarəsinin Arif Heydərov adına Respublika Hospitalında göstərilən peşəkar tibbi xidmətə görə DİN-in rəhbərliyinə və hospitalın əməkdaşlarına təşəkkürünü bildirir.

Vətəndaş Rəsul Qurbanov DİN-in “Instagram” səhifəsinə təşəkkür mesajı ünvanlayıb: “Paytaxtın Nərimanov rayonu ərazisində baş vermiş yol-nəqliyyat hadisəsinin iştirakçısı olmuşam. Hadisə ilə bağlı Nərimanov Rayon Polis İdarəsinin əməkdaşları araşdırma apararaq obyektiv qərar qəbul etmiş və hadisə zamanı mənə kömək etmişdir. DİN-in və Nərimanov RPİ-nin rəhbərliyinə dərin minnətdarlığımı bildirirəm”.

Qaradağ rayon sakini Emil Ocaqquliyev Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Qaradağ Rayon Polis İdarəsinin rəhbərliyinə və əməkdaşlarına minnətdarlığını bildirir, çətin və şərəfli xidmətlərində uğurlar arzulayır.

Vətəndaş Elay Panahli Daxili İşlər Nazirliyinin ünvanladığı məktubunda cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

İsrail Respublikasının vətəndaşı Məhəmməd Nəccar DİN-in “Instagram” səhifəsinə təşəkkür mesajı ünvanlayıb: “Bakıda üzləşdiyim problemlə bağlı “102” Xidməti-Zəng Mərkəzinə məlumat vermişdim. Polis əməkdaşları tərəfindən məsələ dərhal həll olundu. Öz vəzifələrini peşəkarlıqla və məsuliyyətlə yerinə yetirdiklərinə, həmçinin mənə göstərdikləri hörmətə və xoş münasibətə görə Nizami Rayon Polis İdarəsinin 23-cü Polis Şöbəsinin əməkdaşlarına səmimi təşəkkürümü bildirirəm”.