Vətəndaş Mehman Qurbanov DİN-ə ünvanladığı təşəkkür məktubunda  müraciətinə operativ baxılması ilə əlaqədar Suraxanı RPİ-nin əməkdaşlarına minnətdarlığını bildirir.

Vətəndaş Könül Əkbərova etdiyi müraciətinə operativ reaksiya verilməsinə görə başda DİN rəhbərliyi olmaqla, Salyan RPŞ-nin rəhbərliyinə və əməkdaşlarına təşəkkür edir.

Bərdə rayon sakini Zahir Allahverdiyev DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Xocalı RPŞ-nin rəhbərliyinə və əməkdaşlarına təşəkkür edir.

Mingəçevir şəhər sakinləri Nihat Mamedov, Arzu Abbasova və İlhamə Dəmirova DİN-ə ünvanladıqları təşəkkür məktublarında xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Mingəçevir ŞPŞ-nin rəhbərliyinə və əməkdaşlarına təşəkkür edirlər.

Vətəndaş Elxan Zərgərоv DİN-in “Instagram” səhifəsinə təşəkkür mesajı ünvanlayıb: “25.08.2026-cı il tarixdə Nərimanov rayonu ərazisində baş vermiş yol-nəqliyyat hadisəsi zamanı mənim idarə etdiyim avtobusa maddi ziyan dəymişdi. Araşdırmanı aparan polis əməkdaşı orada bizə qanunu izah edərək mənə dəyən maddi ziyanın necə ödəniləcəyini bildirdi. Bununla bağlı DİN-in rəhbərliyinə və Nərimanov RPİ-nin əməkdaşlarına minnətdarlığımı bildirirəm”.

Xarici vətəndaş Ali Sabah Ali Alsaadi DİN-in “Instagram” səhifəsinə təşəkkür mesajı ünvanlayıb: “Sizə göstərdiyiniz səy və gördüyünüz xeyirxah iş üçün təşəkkür edirəm. Mən hava limanında əl çantamı unutmuşdum. Bununla bağlı Hava Nəqliyyatında Polis İdarəsinə müraciət edərək şikayət ərizəsi təqdim etdim. Şükürlər olsun ki, polis əməkdaşları mənə böyük köməklik göstərdilər və çantam bir neçə saat ərzində tapılaraq mənə təhvil verildi. Göstərdiyiniz diqqət, kömək və peşəkarlıq üçün hər birinizə səmimi təşəkkürümü bildirirəm”.

Vətəndaş Arif Yusifov DİN-in “Instagram” səhifəsinə təşəkkür mesajı ünvanlayıb: “Minik avtomobilimlə bağlı olan problemli məsələ Naxçıvan Şəhər Polis İdarəsinin yol-patrul xidməti tərəfindən operativ şəkildə həll olunduğu üçün Daxili İşlər Nazirliyinin rəhbərliyinə öz minnətdarlığımı bildirirəm”.

Vətəndaş Hüseyn Hüseynov DİN-in “Instagram” səhifəsinə təşəkkür mesajı ünvanlayıb: “27 avqust 2026-cı il tarixində Nərimanov rayonu ərazisində yol-nəqliyyat hadisəsi baş vermiş və nəticədə avtomobilimə maddi ziyan dəymişdi. Hadisə yerinə gələn polis əməkdaşı mənə hadisə ilə bağlı qanuni qaydaları ətraflı izah etdi, məsələnin araşdırılması zamanı vətəndaş kimi mənə lazımi diqqət və köməklik göstərdi. Göstərilən diqqət və peşəkar münasibətə görə DİN-in və Nərimanov Rayon Polis İdarəsinin rəhbərliyinə, həmçinin polis əməkdaşlarına öz dərin minnətdarlığımı bildirirəm”.

Vətəndaş Cavid İbrahimov DİN-in “Instagram” səhifəsinə təşəkkür mesajı ünvanlayıb: “26.08.2026-cı il tarixində Nərimanov rayonunda yol-nəqliyyat hadisəsi baş vermişdi. Hadisə yerinə gələn polis əməkdaşı öz peşəkarlığını nümayiş etdirərək hadisə yerinin mühafizəsini təmin etdi və hadisənin araşdırılması üçün zəruri tədbirlər gördü. Polis əməkdaşının hadisə zamanı göstərdiyi peşəkarlığa, diqqət və məsuliyyətli münasibətə görə DİN-in rəhbərliyinə və Nərimanov Rayon Polis İdarəsinin əməkdaşlarına öz təşəkkürümü bildirirəm. Azərbaycan Polisinə göstərdiyi xidmətə görə minnətdaram”.