Əcnəbi vətəndaş Anju Sharma DİN-in “Instagram” səhifəsinə mesajında mobil telefonunu itirməsi barədə polisə müraciət etdiyini, polis əməkdaşları tərəfindən qısa müddətdə telefonunun tapılaraq ona təhvil verildiyini yazır. O, müraciətinə diqqətlə yanaşılmasına və keçirilən operativ tədbirlərə görə Azərbaycan polisinə təşəkkürünü bildirir. 

Vətəndaş İsa Qələndərov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və əməkdaşlarına minnətdarlığını bildirir. 

Vətəndaş Ayaz Zülfüqarbəyli DİN-in “Instagram” səhifəsinə təşəkkür mesajı göndərib. O, müraciəti ilə əlaqədar Qaradağ RPİ-nin 10-cu Polis Bölməsinin rəhbərliyi tərəfindən qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
A.Zülfüqarbəyli vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.   

Bakı şəhər sakini Günel Babayeva DİN-in “Instagram” səhifəsinə təşəkkür mesajı yazıb. O, müraciəti üzrə Abşeron Rayon Polis İdarəsində aparılan obyektiv araşdırmalarla müraciətinin qısa müddətdə müsbət həll olunduğunu qeyd edir, göstərilən diqqətə və operativliyə görə Abşeron RPİ-nin əməkdaşlarına təşəkkürünü bildirir.

Vətəndaş Məhəmməd Vəliyev DİN-in “Instagram” səhifəsinə təşəkkür mesajı yazıb. O, müraciəti üzrə Xətai Rayon Polis İdarəsində müvafiq araşdırmalar aparıldığını qeyd edir. 
M.Vəliyev müraciətinə diqqətlə yanaşılmasına və həyata keçirilən operativ tədbirlərə görə Xətai Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Fərrux Kazımov DİN-in “Instagram” səhifəsinə ünvanladığı mesajında övladının daxili işlər orqanlarında xidmətə qəbul edildiyini yazır. O, polis orqanlarında işləmək arzusunda olan gənclərin xidmətə qəbulu zamanı bütün proseslərin şəffaflıq və aşkarlıq prinsipləri əsasında reallaşdığının şahid olduğunu qeyd edərək yaradılan bu şəraitə görə DİN rəhbərliyinə təşəkkürünü bildirir. 

Bakı şəhər sakini Araz Səmədov məktubunda müraciətinə həssas yanaşılmasına, həmçinin göstərilən diqqət və qayğıya görə DİN rəhbərliyinə minnətdarlığını ifadə edir.

Yevlax rayon sakini Aysu Muradzadə DİN-in sosial şəbəkələrdəki səhifəsinə yazdığı mesajda xidməti vəzifələrini və peşə fəaliyyətini layiqincə yerinə yetirdiyinə görə DİN rəhbərliyinə və Yevlax Rayon Polis Şöbəsinin əməkdaşlarına minnətdarlığını bildirir.

Beyləqan rayon sakini Pərvin Həbibli DİN-ə ünvanladığı məktubunda müraciəti müsbət həll olunduğu üçün Beyləqan Rayon Polis Şöbəsinin əməkdaşlarına təşəkkür edir.