Bakı şəhər sakini Orxan Azadlı DİN-in “Instagram” səhifəsinə ünvanladığı mesajında müraciəti üzrə Bakı Şəhər Baş Polis İdarəsində aparılan araşdırmadan razılığını ifadə edərək məsələnin müsbət həllində göstərilən köməkliyə görə DİN-in rəhbərliyinə və Bakı Şəhər BPİ-nin əməkdaşlarına minnətdarlığını bildirir.

Vətəndaş Elvin Musayev DİN-in “Instagram” səhifəsinə təşəkkür mesajı ünvanlayıb: “Mənzilimdən oğurluq edilməsi ilə bağlı Xətai Rayon Polis İdarəsinin 37-ci Polis Şöbəsinə müraciət etmişdim. Müraciətimə operativ şəkildə baxıldı, oğurluq əməlini törədən şəxs qısa müddətdə saxlanıldı və oğurlanmış əşyalarım özümə qaytarıldı. Buna görə də DİN-in və Xətai Rayon Polis İdarəsinin rəhbərliyinə, 37-ci Polis Şöbəsinin bütün əməkdaşlarına dərin minnətdarlığımı bildirirəm.Yaşasın, Azərbaycan Polisi!”.

Sabirabad rayon sakini Xəzər Kərimov DİN-ə ünvanladığı təşəkkür məktubunda etdiyi müraciətinə operativ reaksiya verilməsin görə başda DİN rəhbərliyinə təşəkkür edir.

İmişli rayon sakini Salman Əliyev DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyinə və polis əməkdaşlarına minnətdarlığını bildirir.

Ağsu rayon sakini Bahar Məmmədova DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Ağsu RPŞ-nin rəhbərliyinə və əməkdaşlarına minnətdarlığını bildirir.

Vətəndaşlar Rüstəm Hüseynov, Azər Balayev,  Səbuhi Mirzəyev, Ramin İsaqov, Şəhriyar Cavadov, Aqil Balayev və Bahadur Cərullayev DİN rəhbərliyinə ünvanladıqları təşəkkür məktublarında ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Azərbaycan polisinə minnətdarlıqlarını bildirirlər.

Quba rayon sakini Şaməddin Mikayılov etdiyi müraciətinin operativ araşdırılmasına, eləcə də müsbət həll edilməsinə görə Quba RPŞ-nin əməkdaşlarına minnətdarlığını bildirir.

Vətəndaş Kazım Hüseynov dələduzluğa məruz qalması ilə bağlı etdiyi müraciətinin müsbət həll edilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir. 

Bakı şəhər sakinləri Elşən Abasov və Rövşən Abasov Quba rayonunda olarkən avtomobillərində nasazlıq yaranması səbəbindən yolda qaldıqlarında onlara göstərilən köməkliyə  görə Quba RPŞ-nin əməkdaşlarına minnətdarlıqlarını bildirirlər.