Mingəçevir şəhər sakini Rəhimə Mustafayeva DİN-ə ünvanladığı təşəkkür məktubunda etdiyi müraciətinə operativ reaksiya verilməsinə görə başda DİN rəhbərliyi olmaqla, Mingəçevir ŞPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Murad Məmmədov DİN-ə yazdığı məktubunda müraciətinə operativ qaydada baxılmasına və onu narahat edən problemin müsbət həllini tapmasına görə DİN-in və Nəsimi Rayon Polis İdarəsinin rəhbərliyinə təşəkkürünü bildirir.

Sosial şəbəkə istifadəçisi Elnur Alxanov DİN-in “Instagram” səhifəsinə yazdığı mesajında gəzinti zamanı itirdiyi içərisində bank kartları və sənədlər olan cüzdanının tapılaraq ona təhvil verilməsinə görə Səbail Rayon Polis İdarəsinin 39-cu Polis Şöbəsinin əməkdaşlarına təşəkkürünü bildirir.

Sosial şəbəkə istifadəçisi Elmin Zamanlı DİN-in “Instagram” səhifəsinə yazdığı mesajında xidməti vəzifələrini layiqincə yerinə yetirdiklərinə, peşəkarlığa və vətəndaşlara qarşı nəzakətli davranışa görə Pirallahı Rayon Polis İdarəsinin Dövlət Yol Polisi Şöbəsinin əməkdaşlarına təşəkkürünü bildirir.

Bakı şəhər sakini Sevil Cabbarova öz məktubunda onu narahat edən problemlə bağlı müraciətinin müsbət həllini tapmasına görə DİN rəhbərliyinə təşəkkürünü bildirir.

Bakı şəhər sakini İlyas Qantayev DİN-in “Instagram” səhifəsinə yazdığı mesajında pul vəsaitinin ələ keçirilməsi ilə bağlı müraciətinin Nəsimi Rayon Polis İdarəsinin 22-ci Polis Şöbəsində obyektiv araşdırılmasına və ona dəymiş maddi ziyanın tam şəkildə ödənilməsinin təmin edilməsinə görə təşəkkürünü ifadə edir.

Abşeron rayon sakini Flora Hacıyeva DİN-in “Instagram” səhifəsinə yazdığı mesajında onu narahat edən problemlə bağlı müraciətinə operativ baxılmasına, məsələnin müsbət həllini tapmasına görə Yasamal Rayon Polis İdarəsinin 28-ci Polis Bölməsinin əməkdaşılarına təşəkkürünü bildirir.

Sosial şəbəkə istifadəçisi Solmaz Rövşən DİN-in “Instagram” səhifəsinə yazdığı mesajında müraciətinə Yasamal Rayon Polis İdarəsinin 28-ci Polis Bölməsinin əməkdaşları tərəfindən çevik reaksiya verilməsinə, ona dəymiş maddi ziyanın ödənilməsinin təmin edilməsinə görə təşəkkürünü bildirir.

Astara rayon sakini Elvin Nəsirov DİN-ə təşəkkür məktubu yazıb. O, rayon ərazisində asayişin və ictimai təhlükəsizliyin etibarlı qorunmasına, polis əməkdaşlarının fasiləsiz və nümunəvi qaydada xidmət aparmalarına, vətəndaşlara qarşı nəzakətlər davranmalarına və müraciətlərə həssaslıqla yanaşılmasına görə Astara Rayon Polis Şöbəsinin rəhbərliyinə və şəxsi heyətinə təşəkkürünü bildirir.