Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
31.03.2026 - Bir qrup Quba rayon sakini
Vətəndaşlar Əliyar Sultanov, Məhəmməd Əzizov, Nemət Seyidov, Fərid Çələbov, Məhəmməd Nemanov, Dəyanət Məmmədov və Xəyal İsrafilov xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla Quba RPŞ-nin əməkdaşlarına minnətdarlıqlarını bildirirlər.
31.03.2026 - Bakı şəhər sakini Turanə Hüseynli
Bakı şəhər sakini Turanə Hüseynli Daxili İşlər Nazirliyinə ünvanladığı məktubunda müraciətə qısa müddətdə reaksiya verilərək ona vurulmuş maddi ziyanın ödənilməsində göstərilən köməkliyə görə Sabunçu Rayon Polis İdarəsinin 13-cü Polis Şöbəsinin əməkdaşlarına təşəkkürünü bildirir.
31.03.2026 - Bakı şəhər sakini İlham Bağırov
Bakı şəhər sakini İlham Bağırov məktubunda üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə minnətdarlığını bildirir.
31.03.2026 - Vətəndaş Amil Abdurəhmanov
Vətəndaş Amil Abdurəhmanov məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN-in rəhbərliyinə minnətdarlığını ifadə edir.
31.03.2026 - Vətəndaş Aynura Azayeva
Vətəndaş Aynura Azayeva DİN-in “Facebook” səhifəsinə təşəkkür mesajı ünvanlayıb: “Bir dostumuzun ofisindən kamera oğurlanmışdı. Bu hadisə hamımızı çox narahat etmişdi. Sağ olsunlar, Nəsimi Rayon Polis İdarəsinin əməkdaşları, məsələyə həssas yanaşdılar, axtarış apardılar. Nəticədə kamera tapılaraq bizə təhvil verildi. Göstərdikləri diqqət və köməyə görə Nəsimi Rayon Polis İdarəsinin əməkdaşlarına təşəkkür edirik.
31.03.2026 - Vətəndaş Mirzəhüseyn Hüseynov
Vətəndaş Mirzəhüseyn Hüseynov DİN-in “Instagram” səhifəsinə təşəkkür mesajı ünvanlayıb: “Elektron ödəmə sistemi vasitəsilə səhvən başqa şəxsə məxsus bank hesabına pul vəsaiti göndərmişdim. Nəsimi Rayon Polis İdarəsinin 21-ci Polis Şöbəsinin əməkdaşları bu məsələyə tez, operativ və obyektiv şəkildə münasibət bildirdilər. 21-ci Polis Şöbəsinin əməkdaşlarının peşəkarlığı nəticəsində səhvən göndərilən vəsait mənə geri qaytarıldı. Göstərilən köməkliyə görə Daxili İşlər Nazirliyinə və Nəsimi Rayon Polis İdarəsinin rəhbərliyinə, həmçinin 21-ci Polis Şöbəsinin əməkdaşlarına dərin minnətdarlığımı və təşəkkürümü bildirirəm. Yaşasın, Azərbaycan polisi!”.
31.03.2026 - Vətəndaş Əsnad Kərimova
Vətəndaş Əsnad Kərimova DİN-in “Instagram” səhifəsinə təşəkkür mesajı ünvanlayıb: “Şikayət ərizəm əsasında Nərimanov Rayon Polis İdarəsinin İstintaq Şöbəsində mənə dəymiş ziyan tamamilə ödətdirildi. Bu səbəbdən DİN-in və Nərimanov Rayon Polis İdarəsinin rəhbərliyinə, həmçinin əməkdaşlarına təşəkkür edirəm”.
31.03.2026 - Masallı rayon sakini Şahin Həsənov
Masallı rayon sakini Şahin Həsənov yaşadığı ərazidə yol hərəkəti təhlükəsizliyinin etibarlı təmin olunması istiqamətində görülən tədbirlərə görə Baş Dövlət Yol Polisi İdarəsinin və Masallı Rayon Polis Şöbəsinin əməkdaşlarına təşəkkürünü bildirir.
31.03.2026 - Biləsuvar rayon sakini Seylan Qarayeva
Biləsuvar rayon sakini Seylan Qarayeva DİN-ə ünvaladığı məktubunda ictimai asayişin etibarlı qorunmasına, vətəndaş müraciətlərinə operativ baxılmasına və həssaslıqla yanaşılmasına, humanistliyə görə DİN-in və Biləsuvar Rayon Polis Şöbəsinin rəhbərliyinə təşəkkürünü bildirir.
