Vətəndaş Riad Hüseynəliyev məktubunda üzləşdiyi problemlə bağlı polisə müraciət etdiyini, Sabunçu Rayon Polis İdarəsinin 12-ci Polis Şöbəsinin əməkdaşları tərəfindən operativ tədbirlərin həyata keçirildiyini və onun qısa müddətdə müvafiq tibb müəssisəsinə çatdırılmasında da köməklik göstərildiyini bildirərək həmin şöbənin əməkdaşlarına təşəkkür edir.

Vətəndaş Sevinc Dadaşova DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Abşeron Rayon Polis İdarəsinin əməkdaşları tərəfindən müvafiq köməkliyin göstərildiyini qeyd edir. S.Dadaşova vətəndaş müraciətlərinə həssas yanaşılmasına görə DİN rəhbərliyinə, göstərdikləri köməkliyə görə Abşeron Rayon Polis İdarəsinin əməkdaşlarına təşəkkürünü bildirir.

Vətəndaş Məhəmməd Məmmədov məktubunda üzləşdiyi problemlə bağlı Mingəçevir Şəhər Polis Şöbəsinə etdiyi müraciətinə operativ reaksiya verildiyini və obyektiv araşdırma aparılaraq qısa müddətdə müsbət həll olunduğunu qeyd edir. O, vətəndaş müraciətlərinə həssas yanaşılmasına görə DİN rəhbərliyinə, müraciətinə operativ reaksiya verilməsinə görə Mingəçevir ŞPŞ əməkdaşlarına təşəkkür edir.

Vətəndaş Habil İskəndərli məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq tapşırıqlar verildiyini yazır. O, müraciətinin müsbət həll olunduğunu qeyd edir, göstərilən diqqətə və obyektiv araşdırmalara görə DİN rəhbərliyinə minnətdarlığını bildirir.  

Vətəndaş Fuad Osmanov məktubunda gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə təşəkkür edir, çətin və şərəfli xidmətlərində uğurlar arzulayır.

Vətəndaş Pərvin Vəliyev DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Şahbuz Rayon Polis Şöbəsinin əməkdaşları tərəfindən müvafiq köməkliyin göstərildiyini qeyd edir. P.Vəliyev vətəndaş müraciətlərinə həssas yanaşılmasına görə Azərbaycan Respublikasının və Naxçıvan Muxtar Respublikasının Daxili İşlər nazirliklərinin rəhbərliklərinə və göstərdikləri köməkliyə görə Şahbuz Rayon Polis Şöbəsinin əməkdaşlarına təşəkkürünü bildirir.  

Vətəndaş Elnur Əliyev Daxili İşlər Nazirliyinin “İnstagram” səhifəsinə təşəkkür mesajı yazaraq xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Nərimanov RPİ-nin rəhbərliyinə və əməkdaşlarına təşəkkür edir. 

Vətəndaş Xuraman Tarverdiyeva üzləşdiyi problem ilə bağlı etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Saatlı RPŞ-nin rəhbərliyinə və əməkdaşlarına təşəkkür edir.

Şəki rayon sakini Tərlan Səlimov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Şəki ŞRPŞ-nin rəhbərliyinə və əməkdaşlarına təşəkkür edir.