Şəki rayon sakini, polis veteranı Vaqif Əhmədov göstərilən diqqət və qayğıya görə, DİN rəhbərliyinə minnətdarlığını bildirir.

Vətəndaş Xəyal Məmmədov DİN-in “İnstagram” səhifəsinə təşəkkür mesajı ünvanlayıb: 07.10.2026-cı il tarixində Nərimanov rayonu ərazisində baş vermiş yol-nəqliyyat hadisəsi zamanı avtomobilimə maddi ziyan dəyməsi ilə əlaqədar polisə məlumat vermişəm. Hadisə ilə bağlı bundan sonra hansı tədbirləri görməli olduğumu bilmədiyim üçün polisə müraciət etdim. Hadisə yerinə gələn polis əməkdaşı tərəfindən mənə hadisənin sonrakı gedişatı və qanunvericiliyə uyğun olaraq görülməli tədbirlər ətraflı şəkildə izah edildi. Verilən izahlar nəticəsində məsələ ilə bağlı bütün suallarım aydınlaşdı. Vətəndaşa göstərilən diqqətli münasibətə, peşəkar yanaşmaya və hadisənin gedişatı barədə ətraflı məlumat verdiyinə görə başda cənab Nazir Vilayət Eyvazov olmaqla, Nərimanov Rayon Polis İdarəsinin rəhbərliyinə və hadisə yerinə gələn polis əməkdaşına öz dərin minnətdarlığımı bildirirəm.   

Vətəndaş Elvin Məmmədov DİN-in “İnstagram” səhifəsinə təşəkkür mesajı ünvanlayıb: Bildirmək istəyirəm ki, evimdən yoldaşıma məxsus qızılın oğurlanması ilə əlaqədar Xətai rayonu 37-ci Polis Şöbəsinə ərizə ilə müraciət etmişdim. Polis əməkdaşlarının dərhal və çevik formada reaksiyası nəticəsində professional iş aparıldı və mənim qeyd etdiyim əşya mənə geri qaytarıldı. Belə iş prinsipi fəallığı təmin etdiyinə görə ölkəmizin Daxili İşlər Naziri cənab Vilayət Eyvazova həmçinin, Xətai RPİ-nin rəhbərliyinə və 37-ci Polis Şöbəsinin kollektivinə minnətdarlıq bildirməyi özümə borc bildim. Çox sağ olun, minnətdaram Sizlərə.   

Vətəndaş Yasin Əliyev DİN-in “İnstagram” səhifəsinə təşəkkür mesajı ünvanlayıb:  Mənə göstərdikləri köməkliyə görə Azərbaycan Respublikasının daxili işlər naziri cənab Vilayət Eyvazova, Naxçıvan Muxtar Respublikasının daxili işlər naziri cənab Süleyman Nemətova və Kəngərli Rayon Polis Şöbəsinin əməkdaşlarına dərin minnətdarlığımı bildirirəm.  

Vətəndaş İlqar  Əliyev DİN-in “İnstagram” səhifəsinə təşəkkür mesajı ünvanlayıb: 05.10.2026-cı il tarixdə Xətai rayonu ərazisində idarə etdiyim avtobusla yol-nəqliyyat hadisəsinin iştirakçısı olmuşam. Hadisə zamanı idarənin təhqiqat şöbəsinin əməkdaşı dərhal hadisə yerinə çataraq, bütün zəruri tədbirləri görmüşdür. Xətai rayon polis idarəsinin rəhbərliyinə və cənab Nazir Vilayət Eyvazova təşəkkür edirəm.   

Vətəndaş Nəcəf Abutalıbov DİN-in “İnstagram” səhifəsinə təşəkkür mesajı ünvanlayıb:  Məsələ öz həllini tapdı. Göstərdiyiniz köməkliyə görə təşəkkür edirəm. Çox sağ olun!

Vətəndaş Elmin Novruzov DİN-ə ünvanladığı təşəkkür məktubunda  DİN-in rəhbərliyinə minnətdarlığını bildirir.

Vətəndaş Xəyalə Cavadova DİN-ə ünvanladığı təşəkkür məktubunda itirilmiş sənədlərinin tapılması ilə əlaqədar Pirallahı RPİ-nin rəhbərliyinə minnətdarlığını bildirir.

Vətəndaş Sahib Əliyev DİN-ə ünvanladığı təşəkkür məktubunda yol-nəqliyyat hadisəsi ilə əlaqədar ona köməklik göstərilməsi ilə bağlı Azərbaycan DİN-in və Naxçıvan DİN-in rəhbərliyinə minnətdarlığını bildirir.