Vətəndaş Fərhad Qasımov məktubunda DİN rəhbərliyinə Abşeron rayonunda yerləşən çoxmənzilli yaşayış komplekslərinin sakinləri adından minnətdarlığını bildirir. O, yağıntılı hava şəraitindən sonra elektrik enerjisi və su təchizatı ilə bağlı yaranmış problemin aradan qaldırılmasında polis əməkdaşlarının göstərdiyi operativ köməyi xüsusi qeyd edir. Müraciətdən sonra qısa müddətdə problemin həll olunduğunu vurğulayan vətəndaş Abşeron Rayon Polis İdarəsinin əməkdaşlarının peşəkarlığına, çevikliyinə və vətəndaşlara diqqətli münasibətinə görə təşəkkürünü ifadə edir.

Vətəndaş Türkər Əliyev sosial şəbəkə vasitəsilə ona qarşı törədilmiş qanunazidd hallarla bağlı etdiyi müraciətə operativ və peşəkar şəkildə baxılaraq qısa müddətdə müsbət həll olunduğuna görə Azərbaycan polisinə təşəkkür edir.

Vətəndaş Zəhrabəyim Seyidova mənzilində baş vermiş oğurluq hadisəsinin operativ şəkildə araşdırılmasına görə Sabunçu Rayon Polis İdarəsinin 15-ci Polis Bölməsinin əməkdaşlarına minnətdarlıq edir. 

Şərur rayon sakini Turan Salahova Daxili İşlər Nazirliyinə ünvanladığı məktubunda problemi ilə bağlı Babək Rayon Polis Şöbəsinə etdiyi müraciət əsasında araşdırma aparılaraq məsələyə hüquqi qiymət verilməsinə görə Naxçıvan Muxtar Respublikasının Daxili İşlər Nazirliyinin rəhbərliyinə və əməkdaşlarına təşəkkürünü bildirir.

Bakı şəhər sakini Fidanə Ramazanova Daxili İşlər Nazirliyinə ünvanladığı məktubunda müraciəti üzrə Bakı Şəhər Baş Polis İdarəsində qəbul edildiyini və araşdırma nəticəsində məmununluğunun təmin olunduğunu qeyd edərək göstərilən köməyə görə DİN-in rəhbərliyinə və Bakı Şəhər BPİ-nin əməkdaşlarına təşəkkürünü bildirir.

Vətəndaş Sevinc Hacıyeva DİN-in “Instagram” səhifəsinə təşəkkür mesajı ünvanlayıb: “Mən Abşeron Rayon Polis İdarəsinə ərizə ilə bir nəfərlə bağlı şikayət etmişdim. Abşeron RPİ-nin əməkdaşları tərəfindən həmin şəxs müəyyən olunaraq barəsində qanuni tədbir görüldü. Bununla bağlı Daxili İşlər Nazirliyinə və Abşeron Rayon Polis İdarəsinin  rəhbərliyinə təşəkkür edirəm”.

Vətəndaş Əli Kəngərli DİN-in “Instagram” səhifəsinə təşəkkür mesajı ünvanlayıb: “İdarə etdiyim avtomobillə törətmiş olduğum yol-nəqliyyat hadisəsi ilə bağlı aparılmıș operativ arașdırmaya və müraciətimə düzgün baxılmasına görə DİN-in və Naxçıvan ŞPİ-nin rəhbərliyinə təşəkkürümü bildirirəm”.

Bakı şəhər sakini Kazım İsmayılov xidməti vəzifələrini və peşə fəaliyyətlərini layiqincə yerinə yetirdiklərinə görə Nizami Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Vüsal İslamov müraciətinə operativ baxılmasına, həyata keçirilən tədbirlərə və müraciətinin müsbət həll olunmasına görə Azərbaycan polisinə minnətdarlıq edir.