Vətəndaş Aynur Abbasova DİN-in “Instagram” səhifəsinə təşəkkür mesajı ünvanlayıb: “Səbail rayonu ərazisində içərisində sənədlərim və pul vəsaitim olan əl çantamı itirmişdim. Bununla əlaqədar olaraq Səbail Rayon Polis İdarəsinin 39-cu Polis Şöbəsinə müraciət etmişdim. Polis əməkdaşları tərəfindən dərhal müdaxilə olundu, çanta tapılaraq bizə təhvil verildi. Buna görə də, DİN-in və Səbail Rayon Polis İdarəsinin rəhbərliyinə, həmçinin bu işdə əməyi olan polis əməkdaşlarına dərin təşəkkürümü bildirirəm”. 

Vətəndaş Əli Rəcəbov DİN-in “Instagram” səhifəsinə ünvanladığı mesajında Nərimanov rayonu ərazisində üzləşdikləri yol-nəqliyyat hadisəsi ilə bağlı aparılan araşdırmadan razı qaldığını, əməkdaşların onlara müvafiq köməklik göstərdiklərini qeyd edərək minnətdarlığını bildirir. Aparılan obyektiv araşdırmaya görə DİN-in rəhbərliyinə və Nərimanov RPİ-nin əməkdaşlarına təşəkkürünü bildirir.

Bakı şəhər sakini Nicat Pənahlı Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciəti əsasında aparılan araşdırmalarla ona dəymiş maddi ziyanın ödətdirilməsində göstərilən köməkliyə görə DİN-i rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Aytac Quliyeva DİN-in “Instagram” səhifəsinə ünvanladığı mesajında Nərimanov rayonu ərazisində üzləşdikləri yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmadan razı qaldığını, əməkdaşların ona müvafiq köməklik göstərdiklərini qeyd edərək minnətdarlığını bildirir. Aparılan obyektiv araşdırmaya görə DİN-in rəhbərliyinə və Nərimanov RPİ-nin Təhqiqat Şöbəsinin əməkdaşlarına təşəkkürünü bildirir.

Əcnəbi vətəndaş Nuqzar Gvazava DİN-in “Instagram” səhifəsinə təşəkkür mesajı ünvanlayıb: “Səbail rayonu ərazisində çantamı itirmişdim. Səbail Rayon Polis İdarəsinin 9-cu Polis Bölməsinin əməkdaşları operativ reaksiya göstərərək çantamı tapdılar. Tez reaksiyaya Azərbaycan polisinə təşəkkürümü bildirirəm”.

Vətəndaş Hafiz Həsənli DİN-in “Instagram” səhifəsinə yazdığı təşəkkür mesajında Pirallahı rayonu ərazisində gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Pirallahı Rayon Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.  

Əcnəbi vətəndaş Ali Oba DİN-in “Instagram” səhifəsinə təşəkkür mesajı ünvanlayıb: “Üzləşdiyim problemlə bağlı Naxçıvan Şəhər Polis İdarəsinə ərizə ilə müraciət etmişdim. Naxçıvan ŞPİ-nin əməkdaşları tərəfindən mənim işimə düzgün şəkildə baxıldığına və dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Naxçıvan Şəhər Polis İdarəsinin əməkdaşlarına təşəkkürümü bildirirəm. Yaşasın, Azərbaycan polisi!”.

Vətəndaş Mustafa Məmmədov DİN-in “Instagram” səhifəsinə təşəkkür mesajı ünvanlayıb: Səbail rayonu ərazisində sənədlərim və bank kartlarım olan pulkisəmi itirmişdim. Səbail Rayon Polis İdarəsinin 9-cu Polis Bölməsinin əməkdaşları tərəfindən tez bir zamanda tapılaraq mənə təhvil verildi. 9-cu Polis Bölməsinin rəhbərliyinə və şəxsi heyətinə dərin təşəkkürlərimi bildirirəm. Yaşasın, Azərbaycan polisi!”.

Babək rayon sakini Zəki Hüseyinov etdiyi müraciətinə operativ reaksiya verilməsinə və müsbət həll olunmasına görə Azərbaycan Respublikası və Naxçıvan MR DİN-in rəhbərliyinə minnətdarlığını bildirir.