Abşeron rayon sakini Nicat Abbasov Daxili İşlər Nazirliyinə ünvanladığı məktubunda operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Tatyana İvansova mülki hüquqi öhdəlikdən yayınma ilə bağlı müraciətinə operativ baxıldığını, Suraxanı Rayon Polis İdarəsində obyektiv araşdırma aparılaraq müsbət həll olunduğunu qeyd edərək DİN-in rəhbərliyinə və Suraxanı RPİ-nin əməkdaşlarına təşəkkürünü bildirir.

Sumqayıt şəhər sakini Saleh Cəfərov Daxili İşlər Nazirliyinə təşəkkür məktubu ünvanlayıb: “Yaşadığımız ərazidə işıqforun quraşdırılması ilə bağlı etdiyim müraciətə operativ və müsbət yanaşmaya görə öz adımdan və sakinlər adından dərin təşəkkürümü bildirirəm. Qısa müddət ərzində müraciətimə baxılması və nəticə olaraq işıqforun quraşdırılması bizim üçün çox vacib olan təhlükəsizlik və nizam-intizam baxımından mühüm rol oynayır. Bu, bir daha sübut etdi ki, vətəndaş müraciətlərinə göstərilən diqqət və qayğı dövlətimizin insan amilinə verdiyi yüksək dəyərin göstəricisidir. DİN-in əməkdaşlarına gələcək fəaliyyətlərində uğurlar arzulayıram. İctimai asayişin və vətəndaş təhlükəsizliyinin təmin olunmasında göstərdiyiniz fədakar xidmətə görə minnətdarlığımı bildirirəm”.

Cəlilabad rayon sakini Məmməd Seyfullayev DİN rəhbərliyinə ünvanladığı təşəkkür məktubunda müraciətinə çevik reaksiya verilməsinə, operativ qaydada araşdırma aparılaraq ona dəymiş maddi ziyanın ödənilməsinin təmin edilməsinə görə Cəlilabad RPŞ-nin Göytəpə Polis Bölməsinin əməkdaşlarına minnətdarlığını bildirir.

Bakı şəhər sakini Əfsələddi Əliyev məktubunda üzləşdiyi yol-nəqliyyat hadisəsi ilə bağlı aparılan obyektiv araşdırmalara görə Bakı Şəhər Dövlət Yol Polisi İdarəsinin əməkdaşlarına təşəkkürünü bildirir.

Bakı şəhər sakini Pərvanə Qarayeva məktubunda müraciətinə çevik reaksiya verilməsinə və ona dəymiş maddi zərərin ödətdirilməsinin təmin olunmasına görə Binəqədi Rayon Polis İdarəsinin əməkdaşlarına təşəkkürünü bildirir.

Vətəndaş Rafiq Bayramov DİN-in “Instagram” səhifəsinə təşəkkür mesajı yazıb. O, müraciətinə operativ baxılmasına və həyata keçirilən tədbirlərə görə Nərimanov RPİ 16-cı Polis Şöbəsinin əməkdaşlarına təşəkkürünü bildirir.

Vətəndaş Sənan Əliyev DİN-in “Instagram” səhifəsinə mesajında iştirak etdiyi yol-nəqliyyat hadisəsi ilə bağlı polisə müraciət etdiyini, obyektiv araşdırma aparıldığını və qısa müddətdə müsbət həll olunduğunu yazır. S.Əliyev müracətinə operativ baxılmasına görə Xətai Rayon Polis İdarəsinin əməkdaşlarına təşəkkürünü bildirir.

Vətəndaş Aytən Əliyeva DİN-in “Instagram” səhifəsinə mesajında müraciətinə diqqətlə yanaşılmasına, obyektivliyə və müraciətinin qısa müddətdə müsbət həll olunmasına görə Azərbaycan Polisinə təşəkkürünü bildirir.