Vətəndaşlar Ruslan Seyidəhmədov, Xəyalə Sərkərova, Yaşar Qaziyev, Asiman Səfərov, Toğrul Ələkbərov, Sevda Cavadova, Elnur Qəribov və Taryel Şahvalov xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla Quba RPŞ-nin əməkdaşlarına minnətdarlıqlarını bildirirlər.

İsrail vətəndaşı Roman Davidov Daxili İşlər Nazirliyinə ünvanladığı məktubunda taksidə unutduğu mobil telefonunun qısa müddət ərzində tapılaraq özünə qaytarılmasına görə Qaradağ Rayon Polis İdarəsnin 10-cu Polis Şöbəsinin əməkdaşlarına təşəkkürünü bildirir.

Vətəndaş Elvin Qədimov DİN-in “Instagram” səhifəsinə təşəkkür mesajı ünvanlayıb: “Mən vətəndaş olaraq DİN-in rəhbərliyinə və Pirallahı Rayon Polis İdarəsinin əməkdaşlarına göstərdikləri diqqətə, peşəkarlığa və məsuliyyətli fəaliyyətlərinə görə təşəkkürümü bildirirəm. Müraciətim zamanı əməkdaşlar tərəfindən mənə nəzakətlə yanaşılmış, məsələnin araşdırılmasına operativ və obyektiv şəkildə baxılmışdır. Onların vətəndaşlarla ünsiyyət mədəniyyəti, qanunvericiliyə uyğun fəaliyyəti və xidməti vəzifələrini layiqincə yerinə yetirmələri məndə müsbət təəssürat yaratmışdır”.

Vətəndaş Elnur Həsənov DİN-in “Instagram” səhifəsinə təşəkkür mesajı ünvanlayıb: “Mənə məxsus avtomobilin buraxılması üçün göstərdiyiniz diqqət və köməkliyə görə Sizə öz dərin minnətdarlığımı bildirirəm.  Həmçinin Nərimanov Rayon Polis İdarəsinin rəhbərliyinə, 17-ci Polis Şöbəsinin rəhbərliyinə və əməkdaşlarına göstərdikləri diqqət və köməyə görə təşəkkür edirəm.  Allah dövlətimizi və dövlətimizin keşiyində duran polis əməkdaşlarını qorusun. Sağ olsun, Azərbaycan polisi!”.

Vətəndaş Sənan Quliyev DİN-in Daxili İşlər Nazirliyinə ünvanladığı məktubunda üzləşdiyi problemlə bağlı Nərimanov Rayon Polis İdarəsinin 16-cı Polis Şöbəsinə ərizə ilə müraciət etmişdir. Bildirir ki, Nərimanov RPİ-nin 16-cı PŞ-də aparılan təhqiqat araşdırması nəticəsində problem öz həllini tapmışdır. Müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və Nərimanov Rayon Polis İdarəsinə minnətdarlığını ifadə edir.

Vətəndaş Fərzad Xolafərzad DİN-in “Instagram” səhifəsinə yazdığı təşəkkür mesajında üzləşdiyi dələduzluq faktı ilə bağlı Naxçıvan Şəhər Polis İdarəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə görə DİN rəhbərliyinə və Naxçıvan Şəhər Polis İdarəsinin əməkdaşlarına minnətdarlığını bildirir.  

Vətəndaş Yasin Kərimli DİN-in “Instagram” səhifəsinə təşəkkür mesajı yazıb. O, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə DİN rəhbərliyinə və Naxçıvan Şəhər Polis İdarəsinin əməkdaşlarına minnətdarlığını ifadə edir.

Bakı şəhər sakini Əhməd Məmmədov DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını ifadə edir.

Vətəndaş Səməd Abbasov DİN-in “Instagram” səhifəsinə təşəkkür mesajı yazıb. O, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə DİN rəhbərliyinə və Naxçıvan Şəhər Polis İdarəsinin əməkdaşlarına minnətdarlığını ifadə edir.