Vətəndaş Solmaz Əliyeva DİN-in “Instagram” səhifəsinə təşəkkür mesajı yazıb. O, dələduzluq faktı ilə bağlı müraciətinə operativ baxılaraq qısa müddətdə müsbət həll olunmasına görə Nərimanov Rayon Polis İdarəsinin əməkdaşlarına minnəttarlığını bildirir.

Antiterror tədbiri iştirakçısı Əbülfəz Eyvazov DİN-ə təşəkkür məktubu göndərib. O, göstərilən yüksək diqqət və qayğıya görə Azərbaycan polisinə təşəkkürünü bildirir, çətin və şərəfli xidmətlərində onlara uğurlar arzulayır. 

Vətəndaş Əfsanə Rəhimova DİN-in “Instagram” səhifəsinə yazdığı mesajında üzləşdiyi dələduzluqla bağlı müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Nərimanov RPİ 18-ci Polis Şöbəsinin əməkdaşlarına minnətdarlığını bildirir. 

Vətən müharibəsi şəhidi Etibar Cəfərovun həyat yoldaşı Əzizə Vəliyeva məktubunda üzləşdiyi dələduzluq hadisəsi ilə bağlı müraciətinə operativ reaksiya verildiyini, ona dəymiş maddi ziyanın tam şəkildə ödətdirilməsinə, eyni zamanda şəhid ailələrinə göstərilən yüksək diqqət və qayğıya görə Azərbaycan Respublikası və Naxçıvan MR DİN-in rəhbərliyinə minnətdarlığını bildirir. 

Şəhid həyat yoldaşı Aynur Mürsəlova DİN-ə təşəkkür məktubu göndərib. O, şəhid ailələrinə, o cümlədən ona göstərilən yüksək diqqət və qayğıya görə Azərbaycan polisinə təşəkkürünü bildirir, çətin və şərəfli xidmətlərində onlara uğurlar arzulayır. 

Vətəndaş Novruz Əliverdiyev DİN-in “Instagram” səhifəsinə yazdığı təşəkkür mesajında baş vermiş yol-nəqliyyat hadisəsi ilə bağlı aparılan operativ araşdırmaya görə Nərimanov Rayon Polis İdarəsinin əməkdaşlarına minnətdarlığını ifadə edir.

Vətəndaş İlqar Əmraslanov DİN-in “Facebook” səhifəsinə təşəkkür mesajı yazıb. O, qarşılaşdığı yol-nəqliyyat hadisəsilə əlaqəli ünvanladığı müraciətinə dərhal reaksiya verildiyini bildirərək Abşeron RPİ Dövlət Yol Polisi İdarəsinin əməkdaşlarına təşəkkür edir.

Vətəndaş Mirşəmsəddin Seyidov məktubunda ictimai asayişi ayıq-sayıq qoruyan və xidməti vəzifələrini layiqincə yerinə yetirən Naxçıvan Muxtar Respublikasının DİN əməkdaşlarına çətin və şərəfli xidmətlərində uğurlar arzulayır.

İstefada olan polis əməkdaşı Vidadi Həsənov Daxili İşlər Nazirliyinə təşəkkür məktubu göndərib. O, səhhətində yaranmış problemlə bağlı DİN-in A.Heydərov adına Respublika Hospitalında müalicə aldığını yazır. Orada həkimlərin bütün xəstələrə, o cümlədən  istefada olan polis əməkdaşlarına xüsusi  diqqət və qayğı ilə yanaşdığını qeyd edir. N.Nəsirov yaradılan bu şəraitə, humanist və qayğıkeşliklərinə görə DİN rəhbərliyinə və A.Heydərov adına Respublika Hospitalının əməkdaşlarına təşəkkürünü bildirir, çətin və şərəfli xidmətlərində uğurlar arzulayır.