Vətəndaş Mehman Mürşüdov DİN-in rəsmi “Facebook” səhifəsinə yazdığı təşəkkür məktubunda müraciətinin Lənkəran Şəhər Rayon Polis Şöbəsində obyektiv və hərtərəfli qaydada araşdırılmasına və ona dəymiş maddi ziyanın tam şəkildə ödənilməsinin təmin edilməsinə görə minnətdarlığını bildirir.

Vətəndaş Damət Ağayev DİN rəhbərliyinə ünvanladığı təşəkkür məktubunda Nəsimi Rayon Polis İdarəsinin rəhbərliyi tərəfindən qəbul edilməsinə, vətəndaş müraciətlərinə həssaslıqla yanaşılmasına və göstərilən diqqətə görə minnətdarlığını ifadə edir.

Biləsuvar rayon sakinləri Elnur Məmmədov və Əkbər Bayramov bölgələrdə təşkil olunan vətəndaş qəbullarına, müraciətlərin operativ qaydada həlli istiqamətində verilən tapşırıqlara, o cümlədən onlara dəymiş maddi ziyanın tam şəkildə ödənilməsinin təmin olunmasına görə DİN rəhbərliyinə təşəkkürlərini bildirirlər.

Lənkəran rayon sakini Əli Şükürov müraciətinin aidiyyəti polis orqanı tərəfindən araşdırılmasına və ona lazımi köməkliyin göstərilməsilməsinə görə DİN rəhbərliyinə təşəkkürünü bildirir.

Vətəndaş Xaqani İbadov DİN-in rəsmi “Facebook” səhifəsinə yazdığı məktubunda müraciətinə Lənkəran Şəhər Rayon Polis Şöbəsi tərəfindən çevik reaksiya verilməsinə və məsələnin hərtərəfli araşdırılmasına görə təşəkkürünü bildirir.

Balakən rayon sakini İbrahim İsmayılzadə vətəndaş müraciətlərinə həssaslıqla yanaşılmasına, xidməti vəzifələrini layiqincə yerinə yetirdiyinə görə Balakən Rayon Polis Şöbəsinin rəhbərliyinə minnətdarlığını bildirir.

Vətəndaş Nüsrət Beybudlu DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı aparılan obyektiv araşdırmalara görə Nəsimi Rayon Polis İdarəsinin əməkdaşlarına təşəkkürünü bildirir. 

Vətəndaş Fuad Nəsibov DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciəti üzrə həyata keçirilən tədbirlərə görə Yasamal Rayon Polis İdarəsinin əməkdaşlarına təşəkkürünü bildirir.

Abşeron rayon sakini Hasil Əkbərli məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq tapşırıqlar verildiyini yazır. O, həyata keçirilən tədbirlərə və ona dəymiş maddi ziyanın tam şəkildə ödətdirilməsində göstərdikləri köməkliyə görə Bakı Şəhər Baş Polis İdarəsinin əməkdaşlarına təşəkkürünü bildirir.