Sosial şəbəkə istifadəçisi Orxan Abıyev Baş Dövlət Yol Polis İdarəsində qəbul zamanı probleminin həllinə köməklik göstərildiyini vurğulayıb. O, polis əməkdaşlarının vətəndaşlara münasibətindən razı qaldığını bildirərək DİN rəhbərliyinə təşəkkür edir.

Sosial şəbəkə istifadəçisi Abbas Masimov DİN-in instaqram hesabına yazdığı mesajında yol nəqliyyat hadisəsi nəticəsində ona dəymiş maddi ziyanın aradan qaldırılması istiqamətində göstərilən köməkliyə görə DİN rəhbərliyinə və Nərimanov Rayon Polis İdarəsinə minnətdarlıq edir.

Vətəndaş Naib Yusifov elektron müraciətində iştirakçısı olduğu yol nəqliyyat hadisə ilə bağlı polis əməkdaşları tərəfindən ətraflı məlumatlandırılmasına və avtomobilindəki məsələ ilə bağlı problemin həll olunmasına görə DİN rəhbərliyinə təşəkkürünü bildirir. 

Sosial şəbəkə istifadəçisi Təbəssüm Məmmədova DİN-in instaqram hesabına yazdığı mesajında Nərimanov rayonu ərazisində baş verən yol nəqliyyat hadisəsi zamanı hadisə yerində ona göstərilən köməkliyə görə polis əməkdaşlarına təşəkkür edir. 

Vətəndaş Yusif Qaffarov Daxili İşlər Nazirliyinə ünvanlanmış mesajında küçə ticarəti ilə bağlı sorğularının ətraflı cavablandırılmasına, həmçinin onların qarşılaşdıqları problemlərin həllində göstərdikləri köməkliyə görə DİN rəhbərliyinə təşəkkür ifadə olunur.    

Keniya vətəndaşı Andrew Njoroge müraciətinin müsbət həll olunmasına, itirdiyi şəxsi əşyasının tapılaraq ona təhvil verilməsinə görə DİN rəhbərliyinə və Səbail RPİ-nin 39-cu Polis Şöbəsinin əməkdaşlarına təşəkkürünü bildirir.

Vətəndaş İsmayıl Bədəlov vətəndaş məmnunluğu üçün müraciətlərə həssas yanaşılmasına, göstərilən humanistliyə və qayğıya görə DİN rəhbərliyinə, Xətai RPİ-nin 35-ci Polis Şöbəsinin əməkdaşlarına minnətdarlığını bildirir.

Vətəndaş Naibə Mirzəyeva müraciətinə dərhal reaksiya verildiyinə və həyata keçirilən operativ tədbirlərə görə Nərimanov RPİ-nin əməkdaşlarına təşəkkürünü bildirir.

Vətəndaş Rüstəm Əlibabayev ünvanladığı müraciətinə operativ baxıldığını, Xətai Rayon Polis İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək Azərbaycan polisinə minnətdarlığını bildirir.