Bakı şəhər sakini Elman Baxşıyev DİN-in “Instagram” səhifəsinə təşəkkür mesajı ünvanlayıb: “Bir müddət əvvəl üzləşdiyim hüquqpozma bağlı Pirallahı Rayon Polis İdarəsinin İstintaq Şöbəsinə müraciət etmişdim. Çox sağ olsun, Pirallahı RPİ-nin əməkdaşları. Müraciətimə diqqətlə və obyektiv yanaşaraq mənə düzgün yol göstərdilər, qanun çərçivəsində məsləhətlər verdilər və lazımi dəstəyi göstərdilər. Onların peşəkar yanaşması və səmimi köməyi üçün dərin təşəkkürümü bildirirəm. Hüquqlarımın qorunmasında göstərdikləri diqqətə və məsuliyyətli yanaşmaya görə bir daha minnətdarlığımı ifadə edirəm və gələcək fəaliyyətlərində onlara uğurlar arzulayıram”.

Vətəndaş Rəvan Quliyev DİN-in “Instagram” səhifəsinə ünvanladığı təşəkkür mesajında yol-nəqliyyat hadisəsi ilə bağlı müraciətinin Nəsimi Rayon Polis İdarəsinin Dövlət Yol Polisi Şöbəsində obyektiv şəkildə araşdırıldığını və ona ona dəymiş maddi ziyanın ödətdirildiyini qeyd edir. O, müraciətinə operativ reaksiya verilməsinə görə Azərbaycan polisinə təşəkkürünü bildirir.

Əcnəbi vətəndaş Nadeem Ahamad DİN-in “Instagram” səhifəsinə təşəkkür mesajı yazıb. O, Bakıda qonaq olarkən üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə minnətdarlığını bildirir, Azərbaycan polisinə çətin və şərəfli peşəsində uğurlar arzulayır.

Sosial şəbəkə istifadəçisi İbrahim Əliyev DİN-in “Instagram” səhifəsinə yazdığı mesajında iştirakçısı olduğu yol-nəqliyyat hadisəsi ilə bağlı araşdırmanın obyektiv aparılmasına görə Nərimanov Rayon Polis İdarəsinin əməkdaşlarına minnətdarlığını ifadə edir.

Sosial şəbəkə istifadəçisi Bəsdi Quliyeva DİN-in “Instagram” səhifəsinə yazdığı mesajında  yaşadığı ərazidə binaların həyətində müşahidə kameralarının quraşdırılmasına görə Pirallahı Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Lətif Hüseynov  müraciətinə obyektiv baxıldığına və bununla bağlı həyata keçirilən tədbirlərə görə DİN rəhbərliyinə minnətdarlığını bildirir.

Abşeron rayon sakini Şaiq Məmmədov müraciətinə operativ baxılaraq ona dəymiş maddi zərərin ödətdirilməsinin təmin olunmasına görə DİN rəhbərliyinə minnətdarlığını ifadə edir.

Abşeron rayon sakini Asif Xudayarov məktubunda müraciətinə operativ baxılmasına və ona hüquqi izah verilməsinə görə DİN-in rəhbərliyinə təşəkkürünü bildirir.

Sosial şəbəkə istifadəçisi Tacəddin Fətullayev avtomobilini duracaqdan götürməsində köməklik göstərdiklərinə görə Naxçıvan Şəhər Polis İdarəsinin əməkdaşlarına  təşəkkür edir.