Vətəndaş Kənan Məmmədov DİN-in “Instagram” sosial şəbəkəsi vasitəsilə etdiyi müraciətində anasının mobil telefonunun itirməsi ilə əlaqədar Nərimanov Rayon Polis İdarəsinin 16-cı Polis Şöbəsinə müraciət etdiyini bildirir. O qeyd edir ki, müraciətinə dərhal və operativ baxılaraq mobil telefonunun tapılmasında köməklik göstərilib. Göstərilən operativliyə və diqqətə görə DİN rəhbərliyinə və Nərimanov Rayon Polis İdarəsinə minnətdarlığını ifadə edir.

Vətəndaş Əli Sultanov DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinin 22-ci Polis Şöbəsinə gələrək mənə qarşı törədilmiş oğurluq əməli ilə bağlı müraciət etmişdim. Müraciətimə operativ şəkildə baxılaraq təhqiqat araşdırması aparıldı, şəxs müəyyən olunaraq saxlanıldı və əmlakım mənə geri qaytarıldı. Azərbaycan polisinin məsələyə bu cür operativ şəkildə reaksiya verməsi məni çox sevindirdi. Göstərilən köməyə görə DİN-in rəhbərliyinə və Nəsimi RPİ-nin əməkdaşlarına təşəkkürümü bildirirəm”.

Vətəndaş Əli Rzayev DİN-in “Instagram” səhifəsinə təşəkkür mesajı ünvanlayıb: “Paytaxtın Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və dəymiş maddi ziyan ödətdirildi. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Vətəndaş Svetlana Şıxməmmədova Daxili İşlər Nazirliyinə təşəkkür teleqramı ünvanlayıb. O, teleqramında pozulmuş hüquqlarının bərpası ilə bağlı Baş Mütəşəkkil Cinayətkarlıqla Mübarizə İdarəsinə müraciət etdiyini qeyd edir. S.Şıxməmmədova müraciətinə operativ baxıldığına, qısa müddətdə araşdırılaraq müvafiq tədbirlərin keçirildiyinə və pozulmuş hüquqlarının bərpa edildiyinə görə Baş Mütəşəkkil Cinayətkarlıqla Mübarizə İdarəsinin Təhqiqat Şöbəsinin əməkdaşlarına minnətdarlığını bildirir.

Vətəndaş Sənubər Səmədova məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN-in rəhbərliyinə minnətdarlığını ifadə edir.

Vətəndaş Sevinc Zeynalova DİN-in “Instagram” səhifəsinə mesajında Nərimanov Rayon Polis İdarəsinin 17-ci Polis Şöbəsinə ərizə ilə müraciət etdiyini yazır. O, polis əməkdaşlarının operativliyi sayəsində müraciətinin qısa müddətdə həll olunduğunu və ona dəymiş ziyanın ödətdirildiyini qeyd edir. S.Zeynalova müraciətinə çevik reaksiya verilməsinə və operativliyə görə DİN rəhbərliyinə və Nərimanov Rayon Polis İdarəsinin 17-ci Polis Şöbəsinin əməkdaşlarına minnətdarlığını bildirir.  

Vətəndaş İlkin Qurbanlı DİN-in “Instagram” səhifəsinə ünvanladığı mesajında üzləşdiyi dələduzluq faktı ilə bağlı Bakı Şəhər Baş Polis İdarəsində aparılan istintaq araşdırmasının nəticəsindən razı qaldığını qeyd edərək ədalətin bərqərar olmasına və dəymiş ziyanın qaytarılmasına görə DİN-in rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Bakı şəhər sakini Gülər Veronika məktubunda müraciətinə göstərdikləri operativliyə və obyektivliyə, həmçinin ona dəymiş maddi ziyanın tam ödətdirilməsinin təmin olunmasına görə Nəsimi Rayon Polis İdarəsinin əməkdaşlarına təşəkkürünü bildirir.

Vətəndaş Xəyalə Həsənova DİN-in “Instagram” səhifəsinə təşəkkür mesajı yazıb. O, müraciətinə operativ baxılmasına və göstərilən köməkliyə görə Azərbaycan polisinə təşəkkürünü bildirir.