Qusar rayon sakini Fərqanə Rəsulova etdiyi müraciətə həssaslıqla yanaşılaraq köməklik göstərilməsinə görə DİN rəhbərliyinə və Qusar RPŞ-nin əməkdaşlarına minnətdarlığını bildirir.

Bakı şəhər sakinləri Nail İsmayılov və Ramal Məmmədov məktublarında yaşadıqları Nərimanov rayonu ərazisində təhlükəsizliyin təmin edilməsi və cinayətkarlığın qarşısının alınması istiqamətində polis əməkdaşları tərəfindən həyata keçirilən tədbirlərə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürlərinin bildirirlər.

Bakı şəhər sakini Xoşqədəm Nüsrətova məktubunda müraciəti ilə əlaqədar Yasamal Rayon Polis İdarəsində obyektiv araşdırma aparılaraq qısa müddətdə müsbət həll olunduğunu qeyd edir. O, müraciətinə operativ baxılmasına, obyektiv araşdırmalara və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına təşəkkürünü bildirir. 

Kürdəmir rayon sakini İlham Yusibov Daxili İşlər Nazirliyinə ünvanladığı məktubunda etdiyi müraciətinin obyektiv araşdırıldığına və ona dəymiş maddi ziyanın ödənilməsində göstərdikləri köməkliyə görə DİN rəhbərliyinə minnətdarlığını bildirir.

Ucar rayon sakini Züleyxa Həsənova üzləşdiyi problem ilə bağlı etdiyi müraciətinin müsbət həll olunmasına görə DİN rəhbərliyinə minnətdarlığını bildirir.

Şirvan şəhər sakini Ruslan Quliyev DİN rəhbərliyinə ünvanladığı təşəkkür məktubunda üzləşdiyi problem ilə bağlı etdiyi müraciətinin müsbət həll olunmasına görə başda DİN rəhbərliyi olmaqla Şirvan ŞPŞ-nin rəhbərliyinə və əməkdaşlarına minnətdarlığını bildirir.

Sosial şəbəkə izləyiciləri Sübhan Azadlı, Firuzə Abdullayeva və vətəndaş Elvin Əlizadə təşəkkür məktublarında oğurluq edən şəxsin saxlanılaraq məsuliyyətə cəlb olunmasına, eləcə də rayon ərazisində narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə görə başda DİN rəhbərliyi olmaqla, Xətai Rayon Polis İdarəsinin 35-ci və 36 Polis Bölmələrinin əməkdaşlarına təşəkkürlərini bildirirlər. 

Sürücülük üzrə təlimçi Arzu Babazadə yolda olarkən avtomobilində yaranmış nasazlığın aradan qaldırılmasında göstərdikləri köməkliyə görə Əlahiddə Çevik Polis Alayının əməkdaşlarına təşəkkürünü bildirir. O, gecəli-gündüzlü ölkə vətəndaşının təhlükəsizliyinin təminatçısı olan Azərbaycan Polisinə gərgin və fədakar xidməti fəaliyyətində uğurlar diləyir.

Sosial şəbəkə izləyicisi Şəfa Quliyeva çantasının oğurlanması ilə bağlı etdiyi müraciətə operativ baxılaraq tez bir zamanda tapılaraq ona təhvil verilməsində göstərdikləri köməkliyə görə Nərimanov Rayon Polis İdarəsinin 17-ci Polis Şöbəsinin əməkdaşlarına təşəkkürünü bildirir.