Bakı şəhər sakini Məhəmməd Namazov məktubunda yol-nəqliyyat hadisəsi ilə bağlı müraciəti ilə əlaqədar Baş İstintaq və Təhqiqat İdarəsinin Yol nəqliyyat hadisələrinə dair işlər üzrə istintaq və təhqiqat şöbəsində obyektiv araşdırma aparıldığını, ona dəymiş maddi ziyanın tam ödətdirildiyini yazır. O, müraciətinə operativ reaksiya verilməsinə, göstərilən diqqətə, həmçinin obyektiv araşdırmalara görə özü və ailəsi adından DİN rəhbərliyinə və Baş İstintaq və Təhqiqat İdarəsinin Yol nəqliyyat hadisələrinə dair işlər üzrə istintaq və təhqiqat şöbəsinin əməkdaşlarına minnətdarlığını bildirir. 

Neftçala rayon sakini Malik Rəcəbov teleqramında müraciəti ilə əlaqədar Sabunçu Rayon Polis İdarəsində qəbul edildiyini, dinlənilərək müvafiq araşdırma aparıldığını və müraciətinin qısa müddətdə müsbət həll olunduğunu yazır. O, vətəndaş müraciətlərinə həssas yanaşılmasına, göstərilən diqqətə və xoş münasibətə görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Ayaz Zülfüqarbəyli DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətinə çevik reaksiya verildiyini, Bakı Şəhər Dövlət Yol Polisi İdarəsinə dəvət olunaraq dinlənildiyini və müvafiq araşdırmalara başlanıldığını, qısa müddətdə müraciətinin müsbət həll olunduğunu qeyd edir.
A.Zülfüqarbəyli vətəndaş müraciətlərinə, o cümlədən onun müraciətinə çevik reaksiya verilməsinə, dəvət olunaraq yüksək hörmətlə qarşılanmasına, xoş rəftar və nəzakətli davranışa, göstərilən diqqət və qayğıya, eyni zamanda obyektiv araşdırmalara görə DİN rəhbərliyinə və Bakı Şəhər Dövlət Yol Polisi İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Quba rayon sakini, Vətən müharibəsi iştirakçısı olan Tural Kazımov məktubunda 8 noyabr “Zəfər Günü” münasibətilə DİN rəhbərliyini, eləcə də Azərbaycan polisini təbrik edir, çətin və şərəfli xidmətlərində uğurlar arzulayır. 

Bir qrup vətəndaş məktublarında DİN-ə ünvanladıqları müraciətlərinə operativ baxıldığını, obyektiv araşdırma aparılaraq qısa müddətdə müsbət həll olunduğunu qeyd edirlər. Müraciətlərinə həssas yanaşılmasına və obyektivliyə görə Azərbaycan Polisinə təşəkkürlərini bildirirlər.

Jurnalist Hacıağa Qayıbov “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, bir neçə gün öncə Ələt qəsəbəsindəki şəhid parkında yaşıllığın bərbad vəziyyətə salınması barədə hesabında paylaşaraq ictimailəşdirdiyi posta Daxili İşlər Nazirliyindən dərhal reaksiya verildiyini, polis əməkdaşları tərəfindən müxtəlif növ güllər alınaraq həmin parkda əkildiyini, həmçinin parkın bu vəziyyətə salınmasına görə müvafiq araşdırmalara başlanıldığını qeyd edir. 
H.Qayıbov müraciətlərə çevik reaksiya verilməsinə və operatvliyə görə DİN rəhbərliyinə, həmçinin xidməti vəzifələrini layiqincə yerinə yetirən Azərbaycan polisinə təşəkkürünü bildirir. 

Ağstafa rayon sakini Şəfaqət Namazova Daxili İşlər Nazirliyinə ünvanladığı məktubunda şəxsiyyət vəsiqəsi ilə bağlı müraciətinə operativ baxılaraq qısa müddətdə müsbət həll edildiyinə görə DİN rəhbərliyinə və Baş Pasport Qeydiyyat və Miqrasiya İdarəsinin əməkdaşlarına minnətdarlığını bildirir.

Vətəndaş Ziyarət Həşimov oğlunun daxili işlər orqanlarına xidmətə qəbul olunması ilə əlaqədar DİN rəhbərliyinə minnətdarlığını bildirir.

Sosial şəbəkə izləyicisi Zahid Əliyev xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Pirallahi RPŞ-nin əməkdaşlarına razılıq ifadə edir.