Quba rayon sakini Etibar Şahmirzəyev məktubunda  Sumqayıt şəhərindəki evində baş vermiş oğurluq hadisəsilə əlaqədar etdiyi müraciətə operativ baxılmasına, oğurluğu törətmiş şəxsin tez bir zamanda saxlanılmasına və dəymiş ziyanın ödətdirilməsinə görə Sumqayıt ŞPİ-nin 2-ci Polis Bölməsinin şəxsi heyətinə minnətdarlığını bildirir.

Bakı şəhər sakini İlahə Həsənova məktubunda  avtomobilinin təhlükəsizliyinin təmin olunmasında göstərilən köməkliyə görə Azərbaycan Polisinə  təşəkkürünü bildirir.

Sosial şəbəkə istifadəçisi Sitarə Abdullayeva məktubunda  müraciətinə çevik reaksiya verilməsinə və obyektiv baxılmasına görə Yasamal RPİ-nin 29-cu Polis Şöbəsinin şəxsi heyətinə minnətdarlığını bildirir.

Bakı şəhər sakinləri – Qoşqar Məmmədov, Asəf Abdullayev, Elşən Quliyev və Gülxanım Quliyevanın DİN-ə ünvanladığı təşəkkür məktubunda aparılan kadr ıslahatlarından razılıqlarını bildirir, xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla və narkomaniyaya qarşı mübarizədə fəal iştiraklarına görə  Azərbaycan Polisinə minnətdarlıq ifadə edirlər.

Naxçıvan MR Babək rayon sakini Coşqun Həsənov DİN-ə ünvanladığı təşəkkür     məktubunda qaynanasına məxsus pulqabının itməsi ilə əlaqədar etdiyi müraciətə operativ baxılmasına və pulqabının tez bir zamanda tapılmasında göstərilən köməkliyə görə Naxçıvan Şəhər Polis İdarəsinin şəxsi heyətinə təşəkkürünü bildirir.

Bakı şəhər  sakini Elmir Verdiyev DİN-ə ünvanladığı təşəkkür  məktubunda ona qarşı törədilmiş dələduzluq faktıyla əlaqədar etdiyi müraciətə çevik reaksiya verilməsinə, operativ baxılmasına və dələduzluğu törətmiş şəxsin saxlanılmasına görə Nəsimi Rayon Polis İdarəsinin şəxsi heyətinə təşəkkürünü bildirir.

Bakı şəhər  sakini Rauf Sultanov DİN-ə ünvanladığı təşəkkür məktubunda aparılan kadr ıslahatlarından razılıq edir, müraciətinə həssas yanaşılmasına, diqqət və qayğıya görə Bakı Baş Polis İdarəsinin şəxsi heyətinə təşəkkürünü bildirir.

Sumqayıt şəhər sakini Hüsniyyə Allahverdiyeva DİN-ə ünvanladığı təşəkkür   məktubunda nitq qüsurlu və eşitmə qabiliyyəti olmayan azyaşlı övladının naməlum şəraitdə itməsi ilə əlaqədar etdiyi müraciətə həssas yanaşılmasına, göstərilən diqqətə və övladının tez bir zamanda tapılmasında göstərilən köməkliyə görə  Sumqayıt Şəhər Polis İdarəsinin şəxsi heyətinə minnətdarlığını bildirir.

Sosial şəbəkə izləyicisi İman Şakirzadə təşəkkür məktubunda müraciətinə tez bir zamanda baxılaraq probleminin həllini tapmasında ona göstərilən köməkliyə görə Azərbaycan Polisinə təşəkkürünü bildirir, çətin və şərəfli xidməti fəaliyyətlərində uğurlar diləyir.