Qax şəhər sakini Bəhruz Dunusov DİN rəhbərliyinə ünvanladığı təşəkkür məktubunda ona məxsus mağazadan oğurluq edən şəxsin tutularaq məsuliyyətə cəlb edilməsinə və ona dəymiş maddi ziyanın ödətdirilməsinə görə Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Vüsal Həşimov DİN-in “Instagram” səhifəsinə mesaj yazaraq cüzdanının oğurlanması barədə Səbail RPİ-nin 8-ci Polis Bölməsinə müraciət etdiyini bildirir. O, polis əməkdaşlarının operativliyi sayəsində oğurlanmış cüzdanının tapılaraq özünə qaytarıldığını qeyd edir.
V.Həşimov müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə və Səbail RPİ 8-ci PB-nin əməkdaşlarına təşəkkürünü bildirir, çətin və şərəfli işlərində uğurlar arzulayır.

Ağsu rayon sakini Fariz Nəsirov təşəkkür məktubunda ona məxsus obyektdən ayrı-ayrı vaxtlarda oğurluq edən şəxslərin tutularaq məsuliyyətə cəlb edilməsinə görə Rayon Polis Şöbəsinin əməkdaşlarına minnətdarlığını bilbidirir.

Bakı şəhər sakini İsmayıl Cəfərli Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı şəhər Baş Polis İdarəsinin əməkdaşlarına minnətdarlığını bildirir.

Balakən rayon sakini Fərid Qəribov xidməti vəzifələrini layiqincə yerinə yetirdiklərinə görə Şəki ŞRPŞ-nin DYPB-nin əməkdaşlarına minnətdarlığını bildirir.

Bakı şəhər sakini Tərlan Babayev DİN-in “Facebook” səhifəsinə təşəkkür mesajı yazıb. O, müraciəti ilə əlaqədar Sabunçu RPİ-nin 13-cü Polis Bölməsinə dəvət edildiyini, nəzakətlə qarşılanaraq dinlənildiyini və müraciətinin qısa müddətdə müsbət həll olunduğunu qeyd edir.
T.Babayev vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir. 

Bakı şəhər sakini Toğrul Qasımov məktubunda DİN-ə ünvanladığı müraciətinə operativ baxıldığını, Suraxanı Rayon Polis İdarəsində obyektiv araşdırma aparılaraq qısa müddətdə müsbət həll olunduğunu qeyd edir. O, vətəndaş müraciətlərinə həssas yanaşılmasına və obyektivliyə görə DİN rəhbərliyinə və Suraxanı Rayon Polis İdarəsinin əməkdaşlarına təşəkkürünü bildirir.

Bakı şəhər sakini S.Paşayeva məktubunda aldadılaraq pulunun ələ keçirilməsi barədə etdiyi müraciətinə operativ baxıldığını, Abşeron Rayon Polis İdarəsində obyektiv araşdırma aparılaraq qısa müddətdə müsbət həll olunduğunu və dəymiş maddi ziyanın ona ödənildiyini qeyd edir. O, müraciətinə diqqətlə yanaşılmasına, obyektivliyə və operatvliyə görə DİN rəhbərliyinə və Abşeron Rayon Polis İdarəsinin əməkdaşlarına təşəkkürünü bildirir. 

Şirvan şəhər sakini Arif Dadaşov şəhər ərazisində narkotik vasitələrin və psixotrop maddələrin qanunsuz dövriyyəsinə qarşı aparılan mübarizə tədbirlərinə görə Şirvan ŞPŞ-nin rəhbərliyinə və əməkdaşlarına təşəkkürünü bildirir.