Vətəndaş Fatimə Məlikova DİN-in “İnstagram” səhifəsinə təşəkkür mesajı yazıb. O, DİN-in “İnstagram” səhifəsi vasitəsilə ünvanladığı müraciəti ilə bağlı Binəqədi RPİ 5-ci Polis Bölməsində yüksək hörmətlə qarşılandığını və müraciətinin müsbət həll olunduğunu qeyd edir.
F.Məlikova sosial məişət probleminin həllində ona göstərilən köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına təşəkkürünü bildirir, çətin və şərəfli işlərində uğurlar arzulayır.  

Abşeron rayon sakini Cəlal Abdulkərimov DİN-in “Facebook” səhifəsinə mesaj yazaraq müraciəti ilə əlaqədar Abşeron Rayon Polis İdarəsinə dəvət olunduğunu, nəzakətlə qarşılanaraq dinlənildiyini və obyektiv araşdırmalara başlanıldığını qeyd edərək DİN rəhbərliyinə və Azərbaycan Polisinə təşəkkürünü bildirir.

Sumqayıt şəhər sakini Zeynəb Səmədova DİN-ə təşəkkür teleqramı ünvanlayıb. Vətən müharibəsində şəhid olmuş Teymur Əzizovun həyat yoldaşı olan Z.Səmədova oğlunun - şəhid övladının DİN-in Polis Akademiyasına qəbul olunduğunu qeyd edir, sevinclərinin həddi-hüdudu olmadığını yazır. 
O, şəhid ailələrinə, onların övladlarına, həmçinin qazilərə, Vətən müharibəsi iştirakçılarına göstərilən yüksək diqqət və qayğıya görə DİN rəhbərliyinə minnətdarlığını bildirir. 

Vətəndaş Elnur İsayev DİN rəhbərliyinə ünvanladığı təşəkkür məktubunda müraciətinin müsbət həll edilməsinə görə Gəncə ŞBPİ-nin əməkdaşlarına minnətdarlıq edir.

Quba rayon sakini Əlisəfa Heydərov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasına görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Xaçmaz rayon sakini Allahşükür Məmmədov DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Xaçmaz RPŞ-nin rəhbərliyinə və əməkdaşlarına minnətdarlığını bildirir.

Gəncə şəhər sakini Qəmbər Verdiyev DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiklərinə, vətəndaşlara qarşı sərgilənən yüksək mədəni davranışlara və müraciətlərə həssaslıqla yanaşılmasına görə Gəncə şəhər Baş Polis İdarəsinin əməkdaşlarına minnətdarlığını ifadə edir.

Bakı şəhər sakini Mətanət Salahova Daxili İşlər Nazirliyinə ünvanladığı məktubunda müraciətinə dərhal reaksiya verildiyinə, Səbail RPİ-nin 9-cu Polis Bölməsində araşdırma aparılaraq ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir. 

Bakı şəhər sakini Ramiz Məmmədzadə Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar atrzulayır.