Vətəndaş Elçin Hüseynov şikayətinə tez bir zamanda baxılaraq həllini tapmasında ona göstərilən köməkliyə görə DİN rəhbərliyinə təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını bildirir.

Vətəndaş Məmməd Həmidov şəhid ailələrinə həssaslıqla yanaşılmasını yüksək dəyərləndirir və 2-ci Vətən müharibəsində həlak olmuş İsrafilov Kənan Faiq oğlunun həyat yoldaşı Fərqiyyə İsrafilovanın müraciətinə operativ şəkildə baxılaraq, dəyən ziyanın ödənilməsində göstərilən köməkliyə görə DİN rəhbərliyinə təşəkkürünü bildirir. 

Vətəndaş Ülviyyə Abdullayeva müraciətinə operativ şəkildə baxılaraq hüquqlarının bərpa olunmasında ona göstərilən köməkliyə görə Azərbaycan Polisinə təşəkkürünü bildirir. 

Bakı şəhər sakini Seyran Mahmudov üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və Səbail Rayon Polis İdarəsinin 39-cu Polis Bölməsinin əməkdaşlarına minnətdarlığını bildirir.

Abşeron rayon sakini Vəfa Abdullayeva DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına,  Abşeron Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bakı şəhər sakini Böyükağa Rəhimli DİN-in “Instagram” səhifəsi vasitəsilə ünvanladığı müraciətinə qısa müddət ərzində baxılaraq müsbət həll olunmasına görə Azərbaycan polisinə minnətdarlığını bildirir.

Vətəndaş Nəsimi Əliyev DİN-in “Instagram” səhifəsinə təşəkkür mesajı yazıb. O, oğurluq faktı ilə bağlı Binəqədi RPİ-nin 5-ci Polis Bölməsinə müraciət etdiyini, obyektiv araşdırma aparılaraq bu əməli törədənin qısa müddətdə müəyyən olunaraq məsuliyyətə cəlb olunduğunu qeyd edir. 
N.Əliyev müraciətinə diqqətlə yanaşılmasına, obyektivliyə və operativliyə görə 5-ci Polis Bölməsinin əməkdaşlarına təşəkkürünü bildirir. 

Bakı şəhər sakini Vüsalə Qafarova “Aztimes.az” saytı vasitəsilə ictimailəşdirdiyi təşəkküründə həyat yoldaşının xəsarət alması ilə nəticələnən yol-nəqliyyat hadisəsi ilə bağlı Nəsimi Rayon Polis İdarəsində obyektiv araşdırma aparılaraq məsələyə hüquqi qiymət verildiyi, müalicə xərclərinin və maddi ziyanın ödətdirildiyini bildirir. O, göstərilən diqqət və qayğıya, eyni zamanda müraciətinin müsbət həllinə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.

Bakı şəhər sakini Vüqar Quliyev DİN-ə ünvanladığı təşəkkür məktubunda ona qarşı edilən dələduzluqla əlaqədar etdiyi müraciətə operativ baxılaraq probleminin tez bir zamanda aradan qaldırılmasında və dəymiş maddi ziyanın ödətdirilməsində göstərilən köməkliyə görə Sabunçu RPİ-nin rəhbərliyinə və 13-cü Polis Bölməsinin şəxsi heyətinə minnətdarlığını bildirir.