Bir qrup Hacıqabul rayon sakini Daxili İşlər Nazirliyinə ünvanladıqları kollektiv təşəkkür məktubunda rayon ərazisində narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə, eləcə də təhsil müəssisələrində mütəmadi olaraq keçirilən maarifləndirici görüşlərə görə başda DİN rəhbərliyi olmaqla Hacıqabul RPŞ-nin rəhbərliyinə və əməkdaşlarına minnətdarlıq edir. 

Vətəndaş İlhamə Həsənova DİN rəhbərliyinə ünvanladığı təşəkkür məktubunda müraciətinə çevik reaksiya verilməsinə və Yasamal Rayon Polis İdarəsinin istintaq şöbəsində obyektiv araşdırma aparılmasına görə minnətdarlığını bildirir.

Sumqayıt şəhər sakini Cavid Quliyev müraciətinin Nəsimi RPİ-nin 20-ci polis bölməsində peşəkarlıqla və obyektiv şəkildə araşdırılmasına, dəymiş maddi ziyanın tam şəkildə ödənilməsinə görə Azərbaycan Polisinə öz təşəkkürünü bildirir.

Vətəndaş Xəyal Həsənəliyev üzləşdiyi çətinliklə bağlı müraciəti əsasında ona köməklik göstərildməsinə görə Şahbuz Rayon Polis Şöbəsinin əməkdaşlarına təşəkkürünü bildirir.

Astara rayon sakini Aytən Maliyeva ictimai asayişin və ictimai qaydanın etibarlı şəkildə qorunmasına görə DİN rəhbərliyinə minnətdarlığını bildirir.

Vətəndaş Adəm Hacızadə öz təşəkkür məktubunda xidməti fəaliyyətlərinin öhdəsindən layiqincə gələn Azərbaycan Polisinə təşəkkürünü bildirir.

Vətəndaş Günel Rzayeva müraciətinin Xətai RPİ-nin 34-cü Polis Şöbəsində araşdırıldığını, məsələnin müsbət həllini tapdığını yazır və Azərbaycan Polisinə təşəkkürünü bildirir.

Vətəndaş Elmin Cavadov öz təşəkkür məktubunda müraciəti ilə bağlı Cəlilabad Rayon Polis Şöbəsində aparılan təhqiqat araşdırmasının gedişindən məmnunluğunu ifadə edir.

Biləsuvar rayon sakini Ramil Quliyev müraciətinin Cəlilabad Rayon Polis Şöbəsində obyektiv şəkildə araşdırıldığını, dəymiş maddi ziyanın ödənilməsinin təmin edildiyini yazır və öz minnətdarlığını ifadə edir.