Sosial şəbəkə izləyicisi Alim Hacıyevin DİN-ə ünvanladığı təşəkkür məktubunda şahidi olduğu bir hadisəylə bağlı Azərbaycan Polisinə təşəkkür edir. Yazır ki, “Qış parkının yanında avtomobilində yanacaq bitdiyindən bir xanım yolda qalmışdı.  Həmişə olduğu kimi bu dəfə də polislərimiz köməyə çatdı və problemin aradan qaldırılmasında xanıma köməklik  etdilər. Belə polis əməkdaşlatrımız olduğu üçün fəxr edirik”.  

Bakı şəhər sakini Oqtay İslamovun DİN-ə ünvanladığı təşəkkür məktubunda oğurluq hadisəsi ilə bağlı etdiyi müraciətə tez bir zamanda və operativ baxılmasına və ona məxsus əşyanın tapılmasında göstərilən köməkliyə görə Binəqədi RPİ-nin 43-cü Polis Bölməsinin əməkdaşlarına minnətdatlıq edir.

Sosial şəbəkə izləyicisi Nərgiz Aşırova DİN-ə ünvanladığı təşəkkür məktubunda etdiyi müraciətə tez bir zamanda və operativ baxılmasına və probleminin aradan qaldırılmasında göstərilən köməkliyə görə Abşeron Rayon Polis İdarəsinin əməkdaşlarına minnətdatlıq  edir.

Bakı şəhər sakini Kamil Babayev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Sabunçu RPİ-nin 13-cü Polis Bölməsinin rəhbərliyinə və əməkdaşlarına minnətdarlığını bildirir. 

Bakı şəhər sakini Ceyhun Dünyamalıyev üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarın tutulmasında, eləcə də ona dəymiş maddi ziyanın ödətdirilməsində göstərdikləri köməkliyə görə Xətai Rayon Polis İdarəsinin rəhbərliyinə və əməkdaşlarına təşəkkürünü ifadə edir.

Bakı şəhər sakini Gündüz Əliyev ictimai asayişin və təhlükəsizliyin təmin olunmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Nəsimi RPİ 19-cu Polis Şöbəsinin rəhbərliyinə və şəxsi heyətinə minnətdarlığını yazır.

Bakı şəhər sakini yolu keçə bilməyən yaşlı qadına polis əməkdaşının yaxınlaşdığını, qoluna girərək yolu keçirtdiyinin şahidi olduğunu yazır.  Bu halla birinci dəfə rastlaşmadığını deyən müəllif Azərbaycan Polisinə minnətdarlığını bildirir, xidməti vəzifə borclarını yerinə yetirməkdə asayiş keşikçilərinə uğurlar arzulayır.

Bakı şəhər sakini, şəhid ailəsi olan Solmaz Babayeva məktubunda üzləşdiyi problemlə bağlı müraciəti ilə əlaqədar Sabunçu RPİ-nin Dövlət Yol Polisi Şöbəsində yüksək hörmətlə qarşılandığını və obyektiv araşdırma aparılaraq  müraciətinin qısa müddətdə müsbət həll olunduğunu qeyd edir.

S.Babayeva şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Sabunçu RPİ-nin Dövlət Yol Polisi Şöbəsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.

Bakı şəhər sakini Aqşin Kərimov “Facebook” sosial şəbəkəsindəki səhifəsində Azərbaycan polisinə təşəkkür mesajı paylaşıb. O, velosiped sürərkən Yol Patrul Xidmətinin əməkdaşları tərəfindən saxlanıldığını, yol hərəkəti təhlükəsizliyi ilə bağlı təlimatlandırıldığını qeyd edir. 
A.Kərimov aparılan maarifləndirmə tədbirlərinə görə Yol Patrul Xidmətinin əməkdaşlarına təşəkkürünü bildirir.