İsmayıllı rayon sakini İbrahim Mirzəliyev ölkəmizdə asayişin təmin olunmasında mühüm rol oynayan daxili işlər orqanlarının əməkdaşlarına minnətdarlığını bildirir.

Sabirabad rayon sakini Elvin Həsənov DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Bakı şəhər Baş Polis İdarəsindən onunla əlaqə saxlanıldığını, ətraflı məlumat verildiyini və hüquq və vəzifələrinin izah olunduğunu qeyd edir.
E.Həsənov müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

Bakı şəhər sakini Fazil Muradov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Nəsimi Rayon Polis İdarəsinin rəhbərliyinə və əməkdaşlarına minnətdarlığını bildirir. 

Sosial şəbəkə istifadəçisi Murad Tağızadə yaşadığı ünvanda dilənçiliklə məşğul olan şəxslərin onu narahat etməsi ilə bağlı etdiyi müraciətə operativ reaksiya verilərək problemin qısa zaman kəsiyində aradan qaldırılmasında göstərdikləri köməkliyə görə Azərbaycan Polisinə təşəkkürünü ifadə edir. 

Sosial şəbəkə istifadəçisi Əfsanə Əhmədova uzun müddətdir ki, tanımadığı şəxs tərəfindən təhdid və şantaj olunduğunu yazır. Bildirir ki, həmin şəxs qısa zaman kəsiyində müəyyənləşdirilərək qanunvericiliyin tələbləri əsasında cəzalandırılmışdır. Bununla bağlı, göstərdikləri köməkliyə görə Sabunçu Rayon Polis İdarəsinin rəhbərliyinə və əməkdaşlarına minnətdarlığını yazır.

Vətəndaş Oksana Çixladze şikayətinə tez bir zamanda baxılaraq həllini tapmasında ona göstərdikləri köməkliyə görə Yasamal RPİ 29-cu Polis Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını bildirir.

Vətəndaş Pərviz Qurbanov daxili işlər orqanları əməkdaşlarının gərgin xidməti fəaliyyətini təqdir edir və gələcək işlərində uğurlar diləyir.

Şəhid anası Şahsoltan Əhmədova müraciətinə tez bir zamanda baxılaraq müsbət həllini tapmasında göstərdikləri köməkliyə görə Sabunçu RPİ 12-ci Polis Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Vətəndaş Rəhimə Qasımzadə müraciətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməkliyə görə Yasamal RPİ 29-cu Polis Şöbəsinin əməkdaşlarına təşəkkürünü bildirir.