Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
12.05.2025 - Vətəndaş Zamiq Məmmədov
Vətəndaş Zamiq Məmmədov DİN-in “Instagram” səhifəsinə təşəkkür mesajı yazıb. O, 01.05.2025-ci il tarixində üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində aparılan obyektiv araşdırmaya görə Azərbaycan polisinə təşəkkürünü bildirir.
12.05.2025 - Vətəndaş Şöyüb Məmmədov
Vətəndaş Şöyüb Məmmədov öz təşəkkür məktubunda müraciətinin operativ və hərtərəfli şəkildə araşdırılmasına, ona dəymiş maddi ziyanın ödənilməsinin təmin edilməsinə görə Lənkəran Şəhər Rayon Polis Şöbəsinin rəhbərliyinə və şəxsi heyətinə öz minnətdarlığını bildirir.
12.05.2025 - Vətəndaş İsmayıl Nəcəfov
Vətəndaş İsmayıl Nəcəfov DİN-in rəsmi “Instagram” səhifəsinə ünvanladığı məktubunda müraciəti əsasında ona lazımi köməkliyin göstərildiyini yazır və təşəkkürünü bildirir.
12.05.2025 - Cəlilabad rayon sakini Vilayət Yaqublu
Cəlilabad rayon sakini Vilayət Yaqublu öz təşəkkür məktubunda xidməti vəzifələrini və peşə fəaliyyətini layiqincə yerinə yetirdiyinə, rayon ərazisində ictimai asayişin etibarlı qorunmasına görə Cəlilabad Rayon Polis Şöbəsinin rəhbərliyinə minnətdarlığını bildirir.
12.05.2025 - Vətəndaş Səidə Salayeva
Vətəndaş Səidə Salayeva DİN rəhbərliyinə ünvanladığı təşəkkür məktubunda şəhid ailəsi kimi ona və ailəsinə göstərilən diqqətə və qayğıya görə Lənkəran Şəhər Rayon Polis Şöbəsinin şəxsi heyətinə öz təşəkkürünü bildirir.
10.05.2025 - Vətəndaş Raisə Məmmədova
Vətəndaş Raisə Məmmədova müraciətinə həssas yanaşıldığına, yüksək peşəkarlıqla keçirilmiş operativ tədbirlərlə itirdiyi dəyərli əşyasının tapılıb ona verilməsinə görə DİN rəhbərliyinə və Nərimanov Rayon Polis İdarəsinin 16-cı Polis Şöbəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.
10.05.2025 - Vətəndaş Elşən Əliyev
Vətəndaş Elşən Əliyev avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.
10.05.2025 - Vətəndaş Şahlar Həziyev
Vətəndaş Şahlar Həziyev üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Qaradağ Rayon Polis İdarəsinin əməkdaşlarına minnətdarlığını bildirir.
10.05.2025 - Vətəndaş Günel Həsənova
Günel Həsənova müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə təşəkkürünü bildirir.
