İsmayıllı rayon sakini Rövşən Məmmədov təşəkkür məktubunda müraciətinin müsbət yöndə həll edilməsinə görə DİN rəhbərliyinə  minnətdarlıq edir.

Bakı şəhər sakini Məhəmməd Cəlilov məktubunda cari il yanvarın 16-da Şamaxı rayonunda yaşayan 4 azyaşlı uşağın açınacaqlı vəziyyətdə yaşaması barədə yayımlanan məlumata çevik  reaksiya verilərək vəziyyətin nəzarətə götürüldüyünə və polis əməkdaşları tərəfindən dərhal müvafiq tədbirlərin həyata keçirildiyinə görə DİN rəhbərliyinə və bütün polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Rahib Xəlilov məktubunda respublikamızda ictimai asayişin etibarlı qorunmasına, cinayətkarlığa, xüsusən də narkotiklərin qanunsuz dövriyyəsinə qarşı aparılan qətiyyətli mübarizəyə görə DİN rəhbərliyinə və bütün polis əməkdaşlarına əməkdaşlarına təşəkkürünü bildirir, çətin və şərəfli işlərində uğurlar arzulayır.

Masallı rayon sakini Nasir Nağıyev müdafiəçisi olduğu vətəndaşla əlaqədar ünvanladığı müraciətə operativ baxılaraq qanuni tədbirlər görüldüyünə və  qısa müddətdə müsbət həll edildiyinə görə DİN rəhbərliyinə, eyni zamanda Qaradağ, Xəzər rayon polis idarələrinin və 3-cü Polis Şöbəsinin əməkdaşlarına minnətdarlığını bildirir.

Bakı şəhər sakini Xəyyam Qurbanlı üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN və Binəqədi RPİ-nin rəhbərliklərinə minnətdarlığını bildirir.

Vətəndaş Aysu Quliyeva Daxili İşlər Nazirliyinə ünvanladığı məktubunda respublikamızda ictimai asayişi etibarlı qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən bütün polis əməkdaşlarına əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Cavid Zeynallı DİN-in “Facebook” səhifəsinə ünvanlandığı məktubunda ailə üzvünün təhdid olunması ilə bağlı müraciətinə   operativ baxıldığını bildirir.
C.Zeynallı vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün və ailəsinin narahatlığına son qoyulmasına görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Cavanşir Hüseynov DİN-ə  ünvanlandığı məktubunda əmlakının etibarlı mühafizəsinə və göstərilən yüksək xidmətə görə Xəzər Rayon Mühafizə İdarəsinin əməkdaşlarına təşəkkürünü bildirir.

Bakı şəhər sakini Günay Hümbətova Daxili İşlər Nazirliyinə ünvanladığı məktubunda polis əməkdaşlarının gecəli gündüzlü xidməti, ayıq-sayıqlığı sayəsində Suraxanı rayonunda asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək DİN rəhbərliyinə və Suraxanı RPİ-nin şəxsi heyətinə təşəkkürünü bildirir.