Bakı şəhər sakini Anar Abasov Daxili İşlər Nazirliyinə ünvanladığı məktubunda müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Vətəndaş Aliyə Məmmədova DİN-in “Instagram” səhifəsinə mesaj yazaraq pulunu və sənədlərini itirməsi ilə bağlı müraciətinə çevik reaksiya verildiyinə və həyata keçirilən operativ tədbirlərə görə DİN rəhbərliyinə və Bakı şəhər Baş Polis İdarəsinin əməkdaşlarına minnətdarlığını bildirir.

Ağsu rayon sakini Simranə Cümşüdlü Daxili İşlər Nazirliyinə ünvanladığı məktubunda Şuşa şəhərinə səfər etdikləri zaman polis əməkdaşlarının onlara göstərdikləri diqqət və qayğıya görə DİN rəhbərliyinə və Azərbaycan polisinə minnətdarlığını bildirir, çətin və şərəfli işlərində uğurlar arzulayır.

Vətəndaş Zamin Mahmudov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar atrzulayır.

Gədəbəy rayon sakini Rəsul Allahverdiyev Daxili İşlər Nazirliyinə ünvanladığı məktubunda Gədəbəy Rayon Polis Şöbəsinin əməkdaşları tərəfindən rayonda yaşayan şəhid ailələrinə yüksək diqqət və qayğı göstərildiyini qeyd edir. O, şəhid ailələri adından humanist və qayğıkeşliklərinə görə Gədəbəy RPŞ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Vətəndaş Bilman Allahverdiyev avtomobilini texniki baxışdan keçirən zaman ona göstərilən diqqət və qayğıya, eləcə də həssas münasibətə görə Azərbaycan Polisinə minnətdarlığını bildirir.

Bakı şəhər sakini Ayaz Zülfüqarbəyli üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Bakı Şəhər Dövlət Yol Polisi İdarəsinin rəhbərliyinə və əməkdaşlarına təşəkkürünü ifadə edir.

Bakı şəhər sakini, Vətən müharibəsi qazisi Rövşən Nəsibov naməlum şəraitdə sənədlərini itirməsi ilə əlaqədar etdiyi müraciətə həssaslıqla yanaşılaraq qısa zaman kəsiyində tapılaraq ona qaytarılmasında göstərdikləri köməkliyə görə Qaradağ RPİ 10-cu Polis Bölməsinin rəhbərliyinə və şəxsi heyətinə minnətdarlığını yazır.

Bakı şəhər sakini üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Binəqədi RPİ 4-cü Polis Bölməsinin rəhbərliyinə və əməkdaşlarına təşəkkürünü bildirir.