Yevlax rayon sakini Məhərrəm Abdullayev müraciətinin operativ və obyektiv araşdırılmasına görə Yevlax RPŞ-nin əməkdaşlarına minnətdarlığını bildirir.

Beyləqan rayon sakini İftixar Qarayev DİN-ə ünvanladığı məktubunda ona göstərilən köməkliyə görə təşəkkürünü bildirir.

Ağdam rayon sakini Sabir Əyyubov ona göstərilən diqqət və qayğıya görə Qaradağ RPİ-nin əməkdaşlarına minnətdarlığını ifadə edir.

Xırdalan şəhər sakini Natəvan Əliəsgərova məktubunda üzləşdiyi dələduzluq faktı ilə bağlı Abşeron Rayon Polis İdarəsinə müraciət etdiyini yazır. O, müraciətinə diqqətlə yanaşılmasına və aparılan obyektiv araşdırmalara görə Abşeron RPİ-nin əməkdaşlarına minnətdarlığını bildirir. 

Hüquq müdafiəçisi Fikrət Cəfərli DİN-in “Facebook” səhifəsinə təşəkkür mesajı yazıb. O, bir vətəndaşın üzləşdiyi problemlə bağlı etdiyi müraciətinə çevik reaksiya verildiyini, həmin vətəndaşın Bakı Şəhər Baş Polis İdarəsinə dəvət edilərək dinlənildiyini və obyektiv araşdırma aparılaraq qısa müddətdə problemin müsbət həll olunduğunu qeyd edir. 
F.Cəfərli vətəndaş müraciətlərinə həssas yanaşılımasına, göstərilən diqqətə və obyektiv araşdırmalara görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir. 

Vətəndaş Mətanət Eyvazova DİN-in “Instagram” səhifəsinə təşəkkür mesajı yazıb. O, oğurluq faktı ilə bağlı səhifə vasitəsilə etdiyi müraciətinə çevik baxıldığını, Binəqədi RPİ-nin 5-ci Polis Bölməsi əməkdaşlarının keçirdikləri tədbirlər nəticəsində qısa müddətdə bu əməli törətməkdə şübhəli bilinən şəxsin saxlanıldığını və ona dəymiş maddi ziyanın qaytarıldığını qeyd edir. 
M.Eyvazova müraciətinə diqqətlə yanaşılmasına və operativliyə görə DİN rəhbərliyinə və 5-ci Polis Bölməsinin əməkdaşlarına təşəkkürünü bildirir. 

Vətəndaş Nigar Məmmədli Daxili İşlər Nazirliyinə ünvanladığı məktubunda yaşadığı ərazidə narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Baş Narkotiklərlə Mübarizə İdarəsinin əməkdaşları tərəfindən müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir.

Vətəndaş Kənan Tutayuq yaşadığı ərazidə özünün və qonşularının üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Bakı şəhər sakini Dilbər Sadıqov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Səbail Rayon Polis İdarəsinin 39-cu Polis Bölməsinin əməkdaşlarına minnətdarlığını bildirir.