Abşeron rayon sakini Zəhra Şəliyeva Daxili İşlər Nazirliyinə ünvanladığı məktubunda müraciətinə operativ baxıldığına, polis orqanına dəvət edilərək hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Vətəndaş Bəhruz Həsənov DİN-in “Instagram” səhifəsinə təşəkkür mesajı yazıb. O, baş verən yol-nəqliyyat hadisəsi ilə bağlı ərazi üzrə polis orqanına dəvət olunaraq hüquq və vəzifələrinin izah olunmaqla obyektiv araşdırmalar aparıldığını bildirir. Göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkür edir.

Vətəndaş Rüfət Əzimli DİN-in “Instagram” səhifəsinə yazdığı təşəkkür mesajında baş verən yol-nəqliyyat hadisəsi ilə bağlı polis əməkdaşları tərəfindən operativ və çevik reaksiya göstərildiyini bildirir. O, edilən köməkliyə görə Nərimanov Rayon Polis İdarəsinin əməkdaşlarına təşəkkür edir.

Naxçıvan Muxtar Respublikası, Ordubad rayon sakini Fərhad Baxşıyev Daxili İşlər Nazirliyinə təşəkkür məktubu ünvanlayıb. O, itirdiyi mobil telefonunun tapılmasında göstərilən köməkliyə və həssas münasibətə görə Azərbaycan polisi ilə qürur duyduğunu bildirir.  

Naxçıvan Muxtar Respublikası, Şahbuz rayon sakini Niyaməddin Cəfərov Daxili İşlər Nazirliyinə ünvanladığı təşəkkür məktubunda üzləşdiyi problemlə bağlı Şahbuz Rayon Polis Şöbəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə müraciətinin qısa müddətdə yüksək peşəkarlıqla müsbət həll olunduğunu qeyd edir.

Vətəndaş Elçin Əzizov Daxili İşlər Nazirliyinin sosial şəbəkə səhifəsinə yazdığı mesajında cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, Pirallahı Rayon Polis İdarəsinin əməkdaşlarına çətin və şərəfli xidmətlərində uğurlar arzulayır.

Bakı şəhər sakini Mehdi Məmmədov məktubunda üzləşdiyi kiberdələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Azərbaycan polisinə minnətdarlığını bildirir.

Vətəndaş Ayşən Cəbiyeva DİN-in “Instagram” səhifəsinə yazdığı təşəkkür mesajında itmiş əşyası ilə bağlı müraciətinə həssaslıqla yanaşıldığına və ona göstərilən köməkliyə görə Pirallahı Rayon Polis İdarəsinin əməkdaşlarına minnətdarlığını bildirir.

Vətəndaş Etibar Babayev hətta polisin səlahiyyətinə aid olmasa belə, vətəndaş məmnunluğu üçün müraciətlərə həssas yanaşılmasına, göstərilən humanistliyə və qayğıya görə DİN rəhbərliyinə, Pirallahı Rayon Polis İdarəsinin əməkdaşlarına minnətdarlığını bildirir.