DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Vətəndaş Elnur Qoçayev göndərdiyi təşəkkür məktubunda Qusar RPŞ Şahdağ Polis Bölməsi əməkdaşlarının fəaliyyətini yüksək qiymətləndirir.

Bakı şəhər sakini Mayıl İsmayılov göndərdiyi məktubda DİN-in A.Heydərov adına Respublika Hospitalında yaradılan şəraitdən və Nevrologiya şöbəsində müalicə alarkən ona göstərilən tibbi xidmətdən razılığını bildirir. M.İsmayılov buna görə DİN rəhbərliyinə minnətdarlıq edir.

İran İslam Respublikasının vətəndaşı Tağızadə fabriki Məsud Mehdi göndərdiyi teleqramda yazır ki, Təbrizdən Bakıya ailəsi ilə birlikdə istirahətə gəlib. Avqustun 8-də paytaxtda olarkən həyat yoldaşının mobil telefonu naməlum şəraitdə itib. O, bununla bağlı Nəsimi RPİ 22-ci Polis Bölməsinə müraciət edib. Polis əməkdaşlarının operativliyi nəticəsində mobil telefon tapılaraq sahibinə qaytarılıb. İran vətəndaşı buna görə DİN rəhbərliyinə və 22-ci Polis Bölməsinin əməkdaşlarına təşəkkürünü bildirir.

Binəqədi rayon sakini Nemət Şəfizadə göndərdiyi məktubda ictimai asayişin qorunmasında, təhlükəsizliyin təmin edilməsində və cinayətkarlığa qarşı mübarizədə Binəqədi RPİ və 5-ci Polis Bölməsi əməkdaşlarının rolunu yüksək qiymətləndirir.

Gədəbəy rayonu Dəyirmandağ kənd sakini Fərman Məmmədov göndərdiyi məktubda DİN-in A.Heydərov adına Respublika Hospitalında yaradılan şəraitdən və orada müalicə alarkən ona göstərilən tibbi xidmətdən məmnun qaldığını bildirir.

Nərimanov rayon sakini Zərnişan Orucova göndərdiyi məktubda üzləşdiyi problemin həll edilməsində ona göstərilən köməyə görə DİN rəhbərliyinə və Baş İstintaq və Təhqiqat İdarəsinin əməkdaşlarına minnətdarlıq edir.

Mingəçevir şəhər sakini Mahmud Mustafayev ictimai asayişin qorunmasında və cinayətkarlığa qarşı mübarizədə ŞPŞ əməkdaşlarının rolunu yüksək qiymətləndirir.

Bakı şəhər sakini Gülmətova Leyla etdiyi müraciətə polis tərəfindən çevik reaksiya verildiyinə görə təşəkkürünü bildirir.

Hacıqabul rayon 1-ci Udulu kənd sakini Məsləhət Şükürov ona odlu silahla bədən xəsarəti yetirmiş, əvvəllər də odlu silahla adam öldürdüyü üçün məhkumluq həyatı yaşamış qonşusu Ağayev Mirağanın tutularaq istintaq orqanlarına təhvil verildiyinə, həmçinin cinayətkarlığa qarşı qətiyyətlə mübarizə apardıqlarına görə Azərbaycan Polisinə razılığını ifadə edir.