Astara rayon sakini Həyat Nəsirov DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə görə və vətəndaş müraciətlərinə həssaslıqla yanaşıldığına görə Astara RPŞ-nin rəhbərliyinin fəaliyyətindən razılığını ifadə edir.

Biləsuvar rayon sakini Elnur Qasımov DİN rəhbərliyinə ünvanladığı təşəkkür məktubunda müraciətinə çevik reaksiya verilməsinə və məsələnin obyektiv araşdırılmasına görə Biləsuvar RPŞ-nin rəhbərliyinə minnətdarlığını bildirir.

Lənkəran şəhər sakini Pərviz Kərimov DİN rəhbərliyinə ünvanladığı təşəkkür məktubunda müraciətinin Lənkəran ŞRPŞ-nin dövlət yol polisi bölməsində araşdırılaraq müsbət həllini tapdığına görə minnətdarlığını ifadə edir.

Lerik rayon sakini Sabit Eminov DİN rəhbərliyinə ünvanladığı təşəkkür məktubunda idarə etdiyi avtomobilin iştirakı ilə baş verən yol nəqliyyat hadisəsinin obyektiv şəkildə araşdırılmasına görə Baş Dövlət Yol Polisi Bölməsinin əməkdaşlarına minnətdarlığını bildirir.

Bakı şəhər sakini İlham Ağayev Daxili İşlər Nazirliyinə ünvanladığı məktubunda üzləşdiyi yol-nəqliyyat hadisəsi ilə bağlı müraciəti ilə əlaqədar Bakı şəhər Baş Polis İdarəsi Dövlət Yol Polisi İdarəsində yüksək hörmətlə qarşılandığını və obyektiv araşdırma aparılaraq müraciətinin qısa müddətdə müsbət həll olunduğunu qeyd edərək DİN rəhbərliyinə minnətdarlığını bildirir. 

Vətəndaş Əminə Talıbova DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə çevik reaksiya verildiyini, obyektiv araşdırma aparılaraq müraciətinin qısa müddətdə müsbət həll olunduğunu qeyd edir.
Ə.Talıbova vətəndaş müraciətlərinə, o cümlədən onun müraciətinə həssas yanaşılmasına, obyektivliyə və operativliyə görə DİN rəhbərliyinə təşəkkürünü bildirir.

Vətəndaş Xatirə Şixiyeva DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciəti ilə əlaqədar Sumqayıt Şəhər Polis İdarəsində müvafiq araşdırma aparıldığını və müraciətinin qısa müddətdə müsbət həll olunduğunu qeyd edir. 
X.Şixiyeva müraciətinə həssas yanaşılmasına və operativliyə görə DİN rəhbərliyinə və Sumqayıt Şəhər Polis İdarəsinin əməkdaşlarına təşəkkürünü bildirir.

Vətəndaş Veysəl Əylisli “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, vətəndaş müraciətlərinə həssaslıqla yanaşılmasına, cinayətkarlıqla, o cümlədən narkotiklərin qanunsuz dövriyyəsinin qarşısının alınması istiqamətində həyata keçirilən qətiyyətli tədbirlərə görə DİN rəhbərliyinə və xidməti vəzifələrini layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Jurnalist Xəyyam Salmanzadə “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, etdiyi müraciətlə əlaqədar Ağdam Rayon Polis Şöbəsində obyektiv araşdırma aparılaraq qısa müddətdə müraciətinin müsbət həll edildiyini qeyd edərək minnətdarlığını bildirir.