Neftçala rayon sakini Malik Rəcəbov Daxili İşlər Nazirliyinə göndərdiyi teleqramında gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Tərtər rayon sakini Nərminə Əhmədova teleqramında Daxili İşlər Nazirliyinə ünvanladığı müraciəti ilə əlaqədar obyektiv araşdırma aparılaraq müsbət həll olunduğunu qeyd edir. O, müraciətinə operativ reaksiya verilməsinə və dəymiş maddi zərərin tam ödətdirilməsində göstərilən köməkliyə görə DİN rəhbərliyinə  minnətdarlığını bildirir, Azərbaycan polisinə çətin və şərəfli xidmətlərində uğurlar arzulayır.

Bakı şəhər sakini Sənan Qəmbərov məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq göstəriş verilərək qısa müddətdə müsbət həll olunduğunu qeyd edir. O, diqqətə, qayğıya və müraciəti üzrə göstərilən köməkliyə görə DİN rəhbərliyinə minnətdarlığını ifadə edir.

Naxçıvan Muxtar Respublikası Şahbuz rayon sakini Etibar Məmmədov Daxili İşlər Nazirliyinə təşəkkür məktubu ünvanlayıb. O, üzləşdiyi problemlə bağlı müraciəti ilə əlaqədar Şahbuz Rayon Polis Şöbəsində obyektiv araşdırma aparıldığını qeyd edir, müraciətinin müsbət həll edildiyinə görə DİN rəhbərliyinə və Şahbuz RPŞ-nin əməkdaşlarına təşəkkürünü bildirir.

Naxçıvan Muxtar Respublikası Şahbuz rayon sakini Hüseyn İbrahimov məktubunda müraciəti üzrə Şahbuz Rayon Polis Şöbəsində obyektiv araşdırma aparılaraq müsbət həll edildiyini qeyd edir və buna görə DİN rəhbərliyinə və Şahbuz RPŞ-nin əməkdaşlarına təşəkkürünü bildirir.

Vətəndaş Ramil Rüstəmov müvəqqəti qeydiyyat məsələsi ilə bağlı müraciətinə Səbail Rayon Polis İdarəsində operativ baxıldığını və müvafiq köməklik göstərildiyini qeyd edərək Səbail RPİ-nin əməkdaşlarına minnətdarlığını bildirir.

Vətəndaş Fəxrəddin Mustafayev DİN-in “Instagram” səhifəsinə təşəkkür mesajı yazıb. O, üzləşdiyi dələduzluqla bağlı müraciətinə operativ baxılmasına və həyata keçirilən tədbirlərə görə Pirallahı Rayon Polis İdarəsinin əməkdaşlarına təşəkkürünü bildirir.

Pirallahı rayonunda yerləşən 186 nömrəli tam orta məktəbin direktoru Elzamin Həsənov DİN-in “Instagram” səhifəsinə təşəkkür mesajı yazıb. O, polis əməkdaşları tərəfindən rayon ərazisindəki məktəblərdə, o cümlədən qeyd olunan məktəbdə keçirilən maarifləndirici tədbirlərə görə DİN rəhbərliyinə və Pirallahı Rayon Polis İdarəsinin əməkdaşlarına təşəkkürünü bildirir.

Vətəndaş Pərviz Əliyev DİN-in “Instagram” səhifəsinə təşəkkür mesajı yazıb. O, iştirakçısı olduğu yol-nəqliyyat hadisəsi ilə bağlı aparılan obyektiv araşdırmalara, həmçinin göstərilən diqqət və qayğıya görə Nərimanov Rayon Polis İdarəsinin əməkdaşlarına təşəkkürünü bildirir.