Bakı şəhər sakini Abuzər Cəfərli “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, Suraxanı rayonu ərazisində yol nişanları ilə bağlı hesabında paylaşaraq ictimailəşdirdiyi məsələyə DİN tərəfindən dərhal reaksiya verildiyini, Bakı şəhər Dövlət Yol Polisi İdarəsi əməkdaşlarının həmin ünvana gələrək müvafiq tədbirləri həyata keçirdiklərini qeyd edib.    A.Cəfərli müraciətlərə və polisin səlahiyyətlərinə aid məsələlərlə bağlı ictimailəşdirilən mesajlara diqqətlə yanaşılaraq dərhal reaksiya verilməsinə, həmçinin avtomobil yollarında təhlükəsizliyin etibarlı təmin olunmasına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Salyan rayon sakini, sahibkarlıq fəaliyyəti ilə məşğul olan Anar Cəfərov DİN-ə ünvanladığı məktubunda rayon ərazisində ictimai təhlükəsizliyin təmin olunmasına, ictimai asayişin etibarlı qorunmasına görə DİN rəhbərliyinə və xidməti vəzifələrini layiqincə yerinə yetirən Salyan Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini, Şəhid anası olan Validə Şamilova DİN-ə ünvanladığı məktubunda müraciəti ilə bağlı Sabunçu Rayon Polis İdarəsinə dəvət olunduğunu,  yüksək hörmətlə qarşılandığını və araşdırma aparılaraq müvafiq tədbirlərin görüldüyünü yazır. O, göstərilən diqqət və qayğıya, eyni zamanda obyektiv araşdırma aparılaraq müraciətinin müsbət həll olunmasına görə DİN rəhbərliyinə və xidməti vəzifələrini layiqincə yerinə yetirən Sabunçu Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Sosial şəbəkə izləyicisi Mircəlal Mehdiyev DİN-ə ünvanladığı təşəkkür məktubunda  polis əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə DİN rəhbərliyinə minnətdarlığını  ifadə edir.

Quba rayon sakini Yafət Orucov DİN rəhbərliyinə ünvanladığı təşəkkür məktubunda  oğlunun Azərbaycan Polisinin sıralarında xidmətə qəbulu ilə əlaqədar etdiyi müraciətə baxılmasına və övladının Quba Rayon Polis Şöbəsinə təyin edilməsinə görə DİN rəhbərliyinə minnətdarlığını bildirir. Bildirir ki, digər oğlu, çavuş Afər Orucov DİN Daxili Qoşunlarının Xüsusi Təyinatlı Dəstəsində xidmət edib. Şuşa uğrunda gedən döyüşlərdə şəhid olub. O, həmçinin şəhid ailələrinə göstərilən diqqət və qayğıya görə də DİN rəhbərliyinə və Quba RPŞ-nin şəxsi heyətinə təşəkkür edir.

Demokratik Cəmiyyətin İnkişafına Yardım İctimai Birliyi, Hüquq Mühafizə Orqanları ilə iş şöbəsinin rəhbəri Günay Hümbətovanın DİN rəhbərliyinə ünvanladığı məktubunda polis əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə DİN rəhbərliyinə minnətdarlığını  ifadə edir.   

Azərbaycan Respublikası FHN DYMX-nin Sumqayıt şəhər DYMİ-nin 20 nömrəli YMN-nin III Yanğınsöndürmə növbəsinin rəisi, daxili xidmət baş leytenantı Malik Rüstəmov DİN rəhbərliyinə ünvanladığı təşəkkür məktubunda Azərbaycan Respublikası Beynəlxalq Bankının Sumqayıt şəhər filialında ödəniş etdikdən sonra pulqabısını kassanın qarşısında unutduğunu bildirir. Qeyd edir ki, pulqabısında aylıq məvacibi və ona məxsus sənədlər olub. Bankda xidmət aparan DİN-nin Baş Mühafizə İdarəsinin əməkdaşı, polis serjantı Nadir Vəliyevin ayıq-sayıqlığı nəticəsində telefon nömrəsi müəyyənləşdirilərək pulqabısı ona qaytarılıb. O, xidməti və vəzifə borclarını layiqincə yerinə yetirən Azərbaycan Polisinə minnətdarlığını  ifadə edir.

Zəngilan şəhər sakini Elşən Hacıyev DİN-in “İnstagram” səhifəsinə göndərdiyi  müraciətinə operativ baxılaraq müsbət həll edildiyinə görə DİN rəhbərliyinə minnətdarlığını bildirir.

DİN-in “İnstagram” səhifəsinin izləyicisi olan Aytən Fərzəlibəyli müraciətinə həssas yanaşıldığına və göstərilən diqqətə görə səhifə vasitəsilə DİN rəhbərliyinə minnətdarlığını bildirir.