Cəlilabad rayon sakinləri Xəyal Xəlilov, Əzim Niftiyev, Elnur Məmmədov və İlkin Kərimov DİN rəhbərliyinə ünvanladıqları təşəkkür məktublarında vətəndaş müraciətlərinə çevik reaksiya verilməsinə və araşdırmaların obyektiv şəkildə aparılmasına görə Cəlilabad RPŞ-nin əməkdaşlarına minnətdarlıqlarını bildirirlər.

Astara rayon sakini Aygün Ağayeva öz təşəkkür məktubunda rayon ərazisində narkotik vasitələrin qanunsuz dövriyyəsinə və narkomaniyanın yayılmasına qarşı keçirilən genişmiqyaslı tədbirlərə görə Rayon Polis Şöbəsinin rəhbərliyinə minnətdarlığını bildirir.

Biləsuvar rayon sakini Yaşar Əliyev öz təşəkkür məktubunda müraciəti ilə əlaqədar Biləsuvar RPŞ-nin rəhbərliyi tərəfindən qəbul edildiyini və araşdırmanın gedişindən razı qaldığını bildirir.

Lerik rayon sakini Xanağa Rəhmətov öz təşəkkür məktubunda müraciətinin müsbət həllini tapmasına görə DİN rəhbərliyinə minnətdarlığını bildirir.

Mingəçevir şəhər sakini Vüqar Əliyev müraciətinin obyektiv araşdırılmasına görə Mingəçevir ŞPŞ-nin əməkdaşlarına minnətdarlığını bildirir.

Bakı şəhər sakini Gülşən Əzimova DİN-in “Facebook” səhifəsinə təşəkkür mesajı yazıb. O, etdiyi müraciətlə əlaqədar Nəsimi Rayon Polis İdarəsinə dəvət olunduğunu, yüksək hörmətlə qarşılandığını və müraciəti ilə bağlı tədbir görülərək müsbət həll olunduğunu qeyd edir.
G.Əzimova vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir. 

Vətəndaş Gülnar Hussain DİN-in “Facebook” səhifəsinə təşəkkür mesajı yazıb. O, üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Hüquqşünas Əli İbrahimov “Facebook” sosial şəbəkəsindəki hesabında Azərbaycan polisinə təşəkkür postu paylaşaraq Azərbaycan polisinin xidmətinin dövlətə və xalqa sədaqət nümunəsi olduğunu qeyd edib.

“Cinayətlə üzbəüz” qəzetinin təsisçisi və baş redaktoru Mikayıl Əli oğlu DİN-ə ünvanladığı təşəkkür məktubunda şəhid ailələrinə, müharibə iştirakçılarına və qazilərə göstərdikləri diqqət və qayğıya, eləcə də xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, İmişli RQİ və TBŞ-nin rəhbərliyinə və əməkdaşlarına minnətdarlığını bildirir.