Bakı şəhər sakini Çimnaz Şaməmmədli DİN-ə ünvanladığı təşəkkür məktubunda  yazır ki,  pulqabısını naməlum şəraitdə itirib. Nərimanov RPİ-nin 16-cı Polis Bölməsinə gələrək polis əməkdaşlarından ona kömək etmələrini xahiş edib. Pulqabısı tez bir zamanda tapılıb. Göstərilən köməkliyə və vətəndaşa olan doğma münasibətə görə Azərbaycan Polisinə minnətdarlıq edir.

Bakı şəhər sakini Məmməd Dadaşov DİN-ə ünvanladığı təşəkkür məktubunda mobil telefonunun dələduzluq yolu ilə ələ keçirilməsilə əlaqədar etdiyi müraciətə operativ baxılmasına və tez bir zamanda hadisəni törətmiş şəxsin aşkar edilməsində və mobil telefonunun qaytarılmasında göstərilən köməkliyə görə Yasamal RPİ-nin 29-cu Polis Bölməsinin şəxsi heyətinə  minnətdarlıq edir.

Ordubad rayon sakini Məhəmməd Ağayev DİN rəhbərliyinə ünvanladığı təşəkkür məktubunda DİN rəhbərliyi tərəfindən aparılan kadr dəyişiklikliyindən razılığını bildirir və etdiyi müraciətə operativ baxılaraq probleminin tez bir zamanda həllini tapmasına görə minnətdarlıq edir.

Vətəndaş Allahverdi Yusubov DİN-in “Instagram” səhifəsinə təşəkkür mesajı yazıb. O, polis əməkdaşları tərəfindən paytaxtın Nəsimi rayonu ərazisində sosial-neqativ hallara, narkotiklərin qanunsuz dövriyyəsinə qarşı qətiyyətli mübarizə tədbirlərinin aparıldığını qeyd edir, özü və yaşadığı məhəllənin sakinləri adından DİN rəhbərliyinə və Nəsimi RPİ-nin 20 Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Qalib Namazov Sumqayıt şəhərinə gedən yolda həmin istiqaməti göstərən yol nişanlarının quraşdırılması ilə bağlı müraciətinə DİN tərəfindən dərhal reaksiya verildiyini, Dövlət Yol Polisi İdarəsi əməkdaşları tərəfindən qısa müddətdə müvafiq tədbirlərin həyata keçirildiyini qeyd edir. 
O, müraciətlərə və polisin səlahiyyətlərinə aid məsələlərlə bağlı ictimailəşdirilən mesajlara diqqətlə yanaşılaraq dərhal reaksiya verilməsinə, həmçinin avtomobil yollarında təhlükəsizliyin etibarlı təmin olunmasına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Bir qrup Xırdalan şəhər sakini məktublarında yaşadıqları ərazidə məişət tullantılarının qalaqlanması ilə bağlı etdikləri kollektiv müraciətə dərhal reaksiya verildiyinə və ərazinin qısa müddətdə təmizlənməsi təmin edilərək antisanitar vəziyyətin aradan qaldırılmasına görə Daxili İşlər Nazirliyinin əməkdaşlarına təşəkkürlərini bildirirlər.

Vətəndaş Ülkər Həsənova üzləşdiyi problemlə bağlı Daxili İşlər Nazirliyinə etdiyi müraciətə Binəqədi Rayon Polis İdarəsinin 4-cü Polis Şöbəsində operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir. 

Bakı şəhər sakini Arzu Məmmədova DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, Xəzər Rayon Polis İdarəsinin 2-ci Polis Şöbəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bakı şəhər sakini Surət Əmirov yaşadığı binanın həyətindəki antisanitar vəziyyətlə bağlı Daxili İşlər Nazirliyinə etdiyi müraciətə operativ baxıldığını və müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.