Qarabağ və Əfqanıstan müharibələri iştirakçısı Telman Kazımov DİN-in “Instagram” səhifəsinə təşəkkür mesajı yazıb. O, mesajında baş vermiş oğurluq hadisəsi ilə bağlı Səbail RPİ-nin 41-ci Polis Bölməsinə müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə çevik reaksiya verilməsinə və operativliyə görə 41-ci Polis Bölməsinin əməkdaşlarına minnətdarlığını bildirir.

Bakı şəhər sakini Fuad Əhmədov Daxili İşlər Nazirliyinə ünvanladığı məktubunda üzləşdiyi problemlə bağlı Yasamal RPİ-nin 29-cu Polis Şöbəsinə müraciət etdiyini qeyd edir. F.Əhmədov vətəndaş müraciətlərinə həssas yanaşılmasına və operativliyə görə 29-cu Polis Şöbəsinin əməkdaşlarına təşəkkürünü bildirir.

Bakı şəhər sakini Orxan Salmanov Daxili İşlər Nazirliyinə ünvanladığı məktubunda içərisində pul və bank kartlarının olduğu pulqabısını itirməsi barədə “102” Xidməti-Zəng Mərkəzinə müraciət etdikdən sonra Nərimanov RPİ-nin 17-ci Polis Şöbəsinin əməkdaşları tərəfindən qısa müddətdə pulqabısının tapılaraq ona təhvil verildiyini yazır. O, müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və 17-ci Polis Şöbəsinin əməkdaşlarına təşəkkürünü bildirir. 

Vətəndaş Şəlalə Mehrəliyeva DİN-in “Instagram” səhifəsinə mesajında səhvən pulunu başqa hesaba köçürməsi ilə bağlı polisə müraciət etdiyini, Xətai RPİ-nin 35-ci Polis Bölməsinin əməkdaşları tərəfindən qısa müddətdə pulunun tapılaraq ona təhvil verildiyini yazır. O, müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və 35-ci Polis Bölməsinin əməkdaşlarına təşəkkürünü bildirir. 

Vətəndaş Vüsal Mirzəyev DİN-in “Instagram” səhifəsinə təşəkkür mesajı göndərib. O, müraciəti ilə əlaqədar Nərimanov RPİ-nin Təhqiqat Şöbəsinin rəhbərliyi tərəfindən qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
V.Mirzəyev vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını qeyd edir, göstərilən diqqət və qayğıya görə Daxili İşlər Nazirliyinin rəhbərliyinə təşəkkürlərini bildirir.   

Vətəndaş Gülnar İsmayılova DİN-in “Instagram” səhifəsinə təşəkkür mesajı yazıb. Üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq müsbət həll edildiyinə görə Bakı Şəhər Baş Polis İdarəsinin və Sabunçu Rayon Polis İdarəsinin əməkdaşlarına təşəkkürünü bildirir. 

Balakən rayon sakini Xəlifə Mirəliyev xidməti vəzifələrini layiqincə yerinə yetirdiklərinə görə, DİN-in əməkdaşlarına minnətdarlığını bildirir.

Göyçay rayon sakini Aygün Şıxalıyeva müraciətinin müsbət həll olunmasına görə, DİN rəhbərliyinə minnətdarlığını bildirir.

Ağsu rayon sakini Qabil Qəniyev müraciətinin müsbət həll olunmasına görə, Ağsu RPŞ-nin əməkdaşlarına minnətdarlığını bildirir.