“APA” holdinqin rəhbəri Vüsalə Abışova mühafizə məsələsi ilə bağlı Daxili İşlər Nazirliyinə ünvanladığı müraciətinə operativ reaksiya verildiyini bildirərək Azərbaycan polisinə təşəkkür edir: “DİN-in müvafiq idarələrindən əlaqə saxlanıldı, lazımi və zəruri məlumatlar verildi. Müraciətimdə qeyd olunan xüsusatların qısa müddət ərzində həllini tapacağı bildirildi. Göstərilən bu diqqətə və qayğıya görə DİN rəhbərliyinə minnətdarlığımı bildirirəm”.

Quba rayon sakini Azər Rzayev etdiyi müraciətinə  həssaslıqla yanaşılaraq qısa zaman kəsiyində həll olunmasına görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Bakı şəhər sakini Asif İbrahimov məktubunda Daxili İşlər Nazirliyinə etdiyi müraciətinə diqqətlə yanaşıldığını, obyektiv araşdırma aparıldığını və müvafiq tədbirlərin həyata keçirildiyini qeyd edir. O, müraciətinə həssas yanaşılmasına, göstərilən diqqətə, obyektivliyə və operativliyə görə DİN rəhbərliyinə minnətdarlığını bildirir. 

Bakı şəhər sakini Ürkər Abılova üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı şəhər Baş Polis İdarəsinin İstintaq və Təhqiqat İdarəsinin əməkdaşlarına təşəkkürünü bildirir.

Vətəndaş Şaiq Ağayev ona məxsus avtomobildən əl çantasının oğurlanması ilə bağlı müraciətinə tez bir zamanda baxılaraq tapılıb ona geri qaytarılmasında göstərdikləri köməkliyə görə Yasamal RPİ 28-ci Polis Bölməsinin əməkdaşlarına təşəkkürünü bildirir.

Vətəndaş Həyat Abdullayeva səmimi qəbula, şikayətinə operativ şəkildə baxılmasına görə Nizami RPİ 25-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək qiymətləndirir.

Vətəndaş Ruzbeh Səidi səmimi qəbula, şikayətinə operativ və obyektiv şəkildə baxılmasına görə Abşeron Rayon Polis İdarəsinin əməkdaşlarına təşəkkürünü bildirir. O, müraciətinə diqqət və qayğı ilə yanaşılmasını təqdir edir.

Vətəndaş Fərid Süleymanov narkotiklərin qanunsuz dövriyyəsinə və istifadəsinə qarşı Azərbaycan Polisinin apardığı qətiyyətli mübarizə tədbirlərini yüksək qiymətləndirir. O, şikayətinə operativ şəkildə baxılaraq onu narahat edən məsələnin həllini tapmasında göstərilən köməkliyə görə Nəsimi RPİ 21-ci Polis Bölməsinin əməkdaşlarına təşəkkürünü bildirir.

Portuqaliya vətəndaşı Catarina Luwaga taksidə unutduğu elektron cihazının tez bir zamanda tapılıb ona təhvil verilməsində göstərdikləri köməkliyə görə Yasamal RPİ 27-ci Polis Bölməsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətini yüksək dəyərləndirir.