Şirvan şəhər sakini Razim Allahverdiyev Daxili İşlər Nazirliyinə ünvanladığı məktubunda xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına təşəkkürünü bildirir.

"Vətənim Azərbaycandır" portalının jurnalisti Allahverdi Səlimov DİN-ə ünvanladığı təşəkkür məktubunda xidməti vəzifələrini və peşə fəaliyyətini layiqincə yerinə yetirdiyinə görə Ucar RPŞ-nin rəhbərliyindən razılığını bildirir.

Şirvan şəhər sakini Şahin Mirzəyev DİN-ə ünvanladığı təşəkkür məktubunda şəhər ərazisində narkotik vasitələrin və psixotrop maddələrin qanunsuz dövriyyəsinə qarşı aparılan qətiyyətli mübarizə tədbirlərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Elvin Paşayev məktubunda qısa müddətdə və rahatlıqla avtomobilinin qeydiyyata alındığını qeyd edərək nümunəvi xidmətlərinə görə Baş Dövlət Yol Polisi İdarəsinin əməkdaşlarına təşəkkür edir.

Vəkil Əziz Qənbərli “Facebook” hesabında təşəkkür postu paylaşıb: “DİN-in Mətbuat Xidmətindən müdafiə etdiyim şəxsə kömək edilməsi ilə bağlı xahiş etdim. İş bir saat ərzində öz müsbət həllini tapdı. Belə operativ xidməti görəndə adam çox sevinir. Var olun!”.

Bərdə rayon sakini Orxan Yusifov rayon ərazisində narkotik vasitələrin qanunsuz dövriyyəsinə qarşı aparılan tədbirlərə görə Bərdə RPŞ-nin rəhbərliyinə və əməkdaşlarına minnətdarlığını bildirir.

Ağcabədi rayon sakini Sərvər Fərzəliyev vəzifələrini layiqincə yerinə yetirən Ağcabədi RPŞ-nin əməkdaşlarına minnətdarlığını bildirir.

Bir qrup Ağdam rayon sakini müraciətlərinin müsbət həll olunmasına görə təşəkkür edir.

Vətəndaş Veysəl Oruclu DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı etdiyi müraciətinə operativ reaksiya verilməsinə, müvafiq araşdırma aparılaraq qısa müddətdə müraciətinin müsbət həll olunmasına görə DİN rəhbərliyinə təşəkkürünü bildirir.