Pirallahı rayonunda yerləşən 168 nömrəli tam orta məktəbin direktoru Elnur Bayramov DİN-in “Instagram” səhifəsinə təşəkkür mesajı yazıb. O, Daxili İşlər və Elm və Təhsil nazirliklərinin birgə təşkili ilə şagirdlərin kəsici-deşici alətlər və tütün-məmulatları əleyhinə monitoriq keçirildiyini qeyd edir. Bu tədbirlərin təqdirəlayiq olduğunu, həmçinin uşaqların maarifləndirilməsində və məlumatlı olmasında böyük rolu olduğunu qeyd edən direktor özü və məktəbin müəllimləri adından DİN rəhbərliyinə və Pirallahı Rayon Polis İdarəsinin əməkdaşlarına təşəkkürlərini bildirir. 

Vətəndaş Natiqə Seyidova DİN-in “Instagram” səhifəsinə təşəkkür mesajı yazıb. O, Xətai Rayon Polis İdarəsinin 34-cü Polis Şöbəsinə ünvanladığı müraciətinə operativ baxıldığını, obyektiv araşdırılaraq qısa müddətdə müsbət həll olunduğunu qeyd edərək DİN rəhbərliyinə və Xətai RPİ-nin əməkdaşlarına minnətdarlığını bildirir.

Bakı şəhər sakini Coşqun Hüseynli DİN-in “Instagram” səhifəsinə təşəkkür mesajı yazıb. O, müraciəti üzrə Xətai Rayon Polis İdarəsinin 34-cü Polis Şöbəsində müvafiq araşdırmalar aparıldığını qeyd edir. 
C.Hüseynli müraciətinə diqqətlə yanaşılmasına və həyata keçirilən operativ tədbirlərə görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir. 

Vətəndaş Qadir Cəfərov DİN-in “Facebook” səhifəsinə təşəkkür mesajı yazıb. O, müraciəti ilə əlaqədar Abşeron Rayon Polis İdarəsində qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
Q.Cəfərov vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.

Lənkəran şəhər sakini Aytac Bağırova DİN-in “Instagram” səhifəsinə ünvanladığı təşəkkür mesajında Lənkəran Şəhər-Rayon Polis Şöbəsi tərəfindən müraciətinə operativ reaksiya verilərək araşdırmalara başlanılmasına görə DİN rəhbərliyinə və Azərbaycan polisinə təşəkkürünü bildirir.

Naxçıvan şəhər sakini Yeganə Musayeva məktubunda müraciətinə həssas yanaşılmasına, obyektivliyə və operativliyə görə Naxçıvan Şəhər Polis İdarəsinin əməkdaşlarına təşəkkürünü bildirir.

Vətəndaş Sevda Hüseynova DİN-in “Instagram” səhifəsinə təşəkkür mesajı yazıb. O, müraciətinə çevik reaksiya verilməsinə və həyata keçirilən tədbirlərə görə Nərimanov RPİ 16-cı Polis Şöbəsinin əməkdaşlarına təşəkkürünü bildirir.

Vətəndaş Malik Əliyev DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi zamanı göstərdikləri həssaslığa, eləcə də xoş rəftar və nəzakətli davranışlara görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Nuranə Əliyeva DİN-in “Instagram” səhifəsinə təşəkkür mesajı yazıb. O, üzləşdiyi dələduzluqla bağlı müraciətinə çevik reaksiya verilməsinə və ona dəymiş maddi ziyanın tam ödətdirilməsində göstərdikləri köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.