Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
20.02.2025 - Sosial şəbəkə istifadəçisi Abbas Abbasov
Sosial şəbəkə istifadəçisi Abbas Abbasov Daxili İşlər Nazirliyinin “Instagram” sosial şəbəkə səhifəsinə ünvanladığı mesajında ona dəymiş maddi ziyanın ödətdirilməsində göstərdikləri köməkliyə görə Abşeron Rayon Polis İdarəsinin əməkdaşlarına təşəkkürünü bildirir.
20.02.2025 - Bakı şəhər sakini, şəhid ailəsi olan Failə Babayeva
Bakı şəhər sakini, şəhid ailəsi olan Failə Babayeva Daxili İşlər Nazirliyinin “Instagram” sosial şəbəkə səhifəsinə ünvanladığı mesajında üzləşdiyi problemlə bağlı müraciəti ilə əlaqədar Nərimanov Rayon Polis İdarəsində yüksək hörmətlə qarşılandığını və obyektiv araşdırma aparılaraq müraciətinin qısa müddətdə müsbət həll olunduğunu qeyd edir. F.Babayeva şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.
20.02.2025 - Vətəndaş Seyran Haciyev
Vətəndaş Seyran Haciyev DİN-in “Instagram” səhifəsinə təşəkkür mesajı yazıb. O, ünvanladığı müraciətinə operativ baxıldığına, Xətai Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.
20.02.2025 - Bakı şəhər sakini Ceyhun Dadaşlı
Bakı şəhər sakini Ceyhun Dadaşlı vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunmasına görə DİN rəhbərliyinə və Nərimanov RPİ-nin 16-cı Polis Bölməsinin əməkdaşlarına təşəkkürünü bildirir.
20.02.2025 - Vətəndaş Fərid Şirinov
Vətəndaş Fərid Şirinov avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə və Nərimanov RPİ-nin əməkdaşlarına minnətdarlığını bildirir, polis əməkdaşlarına çətin və şərəfli işlərində uğurlar arzulayır.
20.02.2025 - Vətəndaş Qələmzər Orucova
Vətəndaş Qələmzər Orucova Daxili İşlər Nazirliyinin sosial şəbəkə səhifəsinə yazdığı mesajında baş vermiş oğurluq hadisəsi ilə bağlı Xətai Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir.
20.02.2025 - Bakı şəhər sakini Şəfiqə Ələkbərova
Bakı şəhər sakini Şəfiqə Ələkbərova Daxili İşlər Nazirliyinə ünvanladığı məktubunda yaşadığı mənzilin həyətində müşahidə etdikləri qanunazidd halla bağlı Yasamal Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə probleminin həll edildiyini bildirir və göstərilən köməkliyə görə özü və yaşadığı binanın digər sakinləri adından DİN rəhbərliyinə təşəkkürünü ifadə edir.
20.02.2025 - Vətəndaş Aybəniz Bayramova
Vətəndaş Aybəniz Bayramova Daxili İşlər Nazirliyinin sosial şəbəkə səhifəsinə yazdığı mesajında üzləşdiyi oğurluq hadisəsi ilə bağlı Xətai Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir.
20.02.2025 - Bakı şəhər sakini İlqar Şahbazov
Bakı şəhər sakini İlqar Şahbazov Daxili İşlər Nazirliyinə ünvanladığı məktubunda Nəsimi Rayon Polis İdarəsinin 20-ci Polis Bölməsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə cinayət hadisəsinə hüquqi qiymət verildiyini qeyd edir və göstərilən köməkliyə görə DİN rəhbərliyinə təşəkkürünü ifadə edir.
