Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
21.02.2025 - Vətəndaş Nahidə Alıyeva
Vətəndaş Nahidə Alıyevanın DİN-ə ünvanladığı təşəkküründə mobil telefonunun oğurlanması ilə bağlı Nərimanov Rayon Polis İdarəsinə müraciət etdiyini, polis əməkdaşlarının operativliyi sayəsində telefonunun qısa müddətdə tapılaraq ona təhvil verildiyini yazır.
O, müraciətinə çevik reaksiya verilməsinə, o cümlədən göstərilən yüksək diqqət və qayğıya görə Nərimanov RPİ-nin 18-ci Polis Şöbəsinin əməkdaşlarına minnətdarlığını bildirir.
21.02.2025 - Cəlilabad rayon sakini Amid Pənahov
Cəlilabad rayon sakini Amid Pənahov Daxili İşlər Nazirliyinə yazdığı məktubunda cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.
21.02.2025 - Bakı şəhər sakini Telman Kazımov
Bakı şəhər sakini Telman Kazımov Daxili İşlər Nazirliyinə ünvanladığı məktubunda baş vermiş oğurluq hadisəsi ilə bağlı Səbail RPİ-nin 41-ci Polis Bölməsinə müraciət etdiyini bildirir. O, polis əməkdaşları tərəfindən operativ tədbirlərin keçirildiyini və qısa müddətdə probleminin həll olunduğunu qeyd edir.
21.02.2025 - Bakı şəhər sakini Maral Quluzadə
Bakı şəhər sakini Maral Quluzadə müraciətinə həssas yanaşıldığına, yüksək peşəkarlıqla keçirilmiş operativ tədbirlərə görə DİN rəhbərliyinə və Nəsimi RPİ-nin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.
21.02.2025 - Abşeron rayon sakini Arzu Novruzova
Abşeron rayon sakini Arzu Novruzova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Abşeron RPİ-nin əməkdaşlarına minnətdarlığını bildirir.
21.02.2025 - Bakı şəhər sakini Aytac Məhərrəmova
Bakı şəhər sakini Aytac Məhərrəmova DİN-in “Instagram” səhifəsinə təşəkkür mesajı yazıb. O, müraciətinə operativ baxıldığını, Nəsimi Rayon Polis İdarəsi 19-cu Polis Şöbəsi tərəfindən obyektiv araşdırılaraq qısa müddətdə müsbət həll olunduğunu qeyd edərək Nəsimi RPİ-nin əməkdaşlarına minnətdarlığını bildirir.
20.02.2025 - Sosial şəbəkə istifadəçisi Elşən Həsənov
Sosial şəbəkə istifadəçisi Elşən Həsənov Daxili İşlər Nazirliyinin “Instagram” sosial şəbəkə səhifəsinə ünvanladığı mesajında baş vermiş yol-nəqliyyat hadisəsi ilə əlaqədar ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.
20.02.2025 - Sosial şəbəkə istifadəçisi Abbas Abbasov
Sosial şəbəkə istifadəçisi Abbas Abbasov Daxili İşlər Nazirliyinin “Instagram” sosial şəbəkə səhifəsinə ünvanladığı mesajında müraciətinə operativ baxılmasına görə Bakı Şəhər Baş Polis İdarəsinin əməkdaşlarına təşəkkürünü bildirir.
20.02.2025 - Bakı şəhər sakini Əli Cəbrayılov
Bakı şəhər sakini Əli Cəbrayılov Daxili İşlər Nazirliyinə ünvanladığı məktubunda müraciətinə çevik reaksiya verilərək ona dəymiş maddi ziyanın ödətdirilməsində göstərdikləri köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.
