Bakı şəhər sakini İbrahim Mirzəliyev Daxili İşlər Nazirliyinə ünvanladığı məktubda respublikamızda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən DİN rəhbərliyinə və Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Sosial şəbəkə istifadəçisi Vəfa Heseynzadə tanışı tərəfindən döyülməsi ilə bağlı polisə müraciət etdiyini, qısa zamanda şıkayətinin təmin olunduğunu və baxılması üçün məhkəməyə göndərildiyini bildirir. Hüquqlarının qorunmasında göstərdikləri köməkliyə görə Pirallahı RPİ-nin şəxsi heyətinə minnətdarlığını yazır.

Vətəndaş Eşqin Hüseynov ictimai asayişin və təhlükəsizliyin təmin olunmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Pirallahı Rayon Polis İdarəsinin rəhbərliyinə və əməkdaşlarına təşəkkürünü bildirir. 

Bakı şəhər Yasamal rayon sakini Gülyaz Məmmədova naməlum şəraitdə mobil telefonunu itirməsi ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, eləcə də işlək vəziyyətə ona qaytarılmasında göstərdikləri köməkliyə görə Azərbaycan Polisinə minnətdarlığını ifadə edir.

Sosial şəbəkə istifadəçisi İbrahim Ələkbərov naməlum şəraitdə itirdiyi pul kisəsinin qısa zaman kəsiyində tapılaraq ona qaytarılmasında göstərdikləri köməkliyə görə Nərimanov RPİ 16-cı Polis Bölməsinin şəxsi heyətinə təşəkkürünü yazır. 

Sosial şəbəkə istifadəçisi Mirzə Abbaszadə avtomobili ilə yol-nəqliyyat hadisəsi törətdiyini, bununla bağlı Nərimanov Rayon Polis İdarəsində obyektiv araşdırma aparıldığını və qanuna müvafiq qərarın qəbul olunduğunu yazır. Göstərilən xidmətə və həssas münasibətə görə Azərbaycan Polisinə minnətdarlığını bildirir. 

Cəlilabad rayon sakini Ruslan İsayev DİN rəhbərliyinə ünvanladığı təşəkkür məktubunda bildirir ki, rayon ərazisində baş vermiş yol nəqliyyat hadisəsi zamanı xəsarət almış azyaşlını RPŞ-nin post-patrul xidmətinin əməkdaşı çevik şəkildə vaxtında xəstəxanaya çatdırdığı üçün uşağın həyatını xilas etmək mümkün olub. Vətəndaş göstərilən bu peşəkarlığa və fədakarlığa görə Azərbaycan Polisinə öz minnətdarlığını ifadə edir.

Lənkəran rayon sakini Röya Nuriyeva öz təşəkkür məktubunda müraciətinə həssaslıqla yanaşılmasına və lazımi köməkliyin göstərilməsinə görə Lənkəran ŞRPŞ-nin rəhbərliyinə və təhqiqat bölməsinin əməkdaşlarına minnətdarlığını bildirir.

Astara rayon sakinləri Mahir Muradov və Məleykə Ağayeva müraciətlərinə çevik reaksiya verilməsinə və obyektiv araşdırma aparılmasına görə Astara RPŞ-nin rəhbərliyinə və bütün əməkdaşlarına minnətdarlıqlarını bildirirlər.