Vətəndaş Mətləb Həsənov ona məxsus mopedin yaşadığı evin qarşısından oğurlanması ilə bağlı müraciət etdiyi zaman “102” Xidməti-zəng Mərkəzinin operativ fəaliyyətini yüksək dəyərləndirir, qısa müddət ərzində oğurluğu törədən şəxsin tapılıb mopedinin ona geri qaytarılmasında göstərdikləri köməkliyə görə Binəqədi RPİ 5-ci Polis Bölməsinin əməkdaşlarına təşəkkürünü bildirir.

Vətəndaş Aleksey Lyapin avtomobilinə xəsarət yetirən şəxsin tapılaraq hadisəyə hüququ qiymət verilməsində göstərdikləri köməkliyə görə Pirallahı RPİ  Dövlət Yol Polisi Şöbəsinin əməkdaşlarına təşəkkürünü bildirir. O, operativ Xidmətə görə “102” Xidməti zəng Mərkəzinin fəaliyyətini yüksək dəyərləndirir.

Cəlilabad rayonunun bir qrup sakini öz təşəkkkür məktublarında rayon ərazisində ictimai qaydanın və ictimai təhlükəsizliyin etibarlı şəkildə təmin olunmasına, cinayətkarlığa qarşı aparılan qətiyyətli mübarizə tədbirlərinə görə Cəlilabad RPŞ-nin rəhbərliyinə minnətdarlıqlarını bildirirlər.

Salyan rayon sakini Murad Vəlizadə DİN-ə ünvanladığı təşəkkür məktubunda rayon ərazisində yaşayan şəhid ailələrinə göstərdikləri diqqət və qayğıya, eləcə də xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, Salyan RPŞ-nin rəhbərliyinə və əməkdaşlarına minnətdarlığını bildirir.

Cəlilabad rayon sakini Mübariz Orucov DİN rəhbərliyinə ünvanladığı təşəkkür məktubunda müraciətinə Cəlilabad RPŞ-də çevik reaksiya verilməsinə və məsələnin müsbət həllini tapmasına görə minnətdarlığını ifadə edir.

Lənkəran rayon sakini Samirə İsgəndərzadə DİN rəhbərliyinə ünvanladığı təşəkkür məktubunda müraciətinə çevik reaksiya verildiyini və araşdırmanın gedişindən razı qaldığını bildirir.

Cəlilabad rayon sakini Mədət Nuriyev öz təşəkkür məktubunda yaşadığı kənddəki mərasim evindən oğurluq edən şəxsin qısa zamanda müəyyən edilərək saxlanılmasına və oğurlanan əşyanın tapılaraq qaytarılmasına görə Rayon Polis Şöbəsinin əməkdaşlarına minnətdarlığını bildirir.

Biləsuvar rayon sakini Rövşən Quliyev rayon ərazisində yol hərəkətinin təhlükəsizliyinin etibarlı şəkildə təmin olunmasına, azyaşlıların iştirakı ilə baş verə biləcək yol-nəqliyyat hadisələrinin qarşısının alınması məqsədilə ümumtəhsil məktəblərinin qarşısında aparılan nümunəvi xidmətə görə dövlət yol polisi əməkdaşlarına minnətdarlığını bildirir.

Lənkəran rayon sakini Vüsalə Əliyeva sosial şəbəkədəki səhifəsindən ünvanladığı təşəkkür məktubunda vətəndaş müraciətlərinə çevik reaksiya verilməsinə və narkotik vasitələrin qanunsuz dövriyyəsinə qarşı aparılan mübarizə tədbirlərinə görə Lənkəran ŞRPŞ-nin rəhbərliyinə minnətdarlığını bildirir.