Pirallahı rayonunda yerləşən 168 saylı tam orta məktəbin müəllimi Günay Vəliyeva DİN-in “Instagram” səhifəsinə təşəkkür mesajı yazıb. O, Pirallahı Rayon Polis İdarəsinin əməkdaşları tərəfindən rayon ərazisindəki məktəblərdə, o cümlədən qeyd olunan məktəbdə narkomaniya əleyhinə və kibertəhlükəsizliklə bağlı mütəmadi olaraq maarifləndirici tədbirlər keçirildiyini qeyd edir. Bu tədbirlərin təqdirəlayiq olduğunu qeyd edən G.Vəliyeva DİN rəhbərliyinə və Pirallahı Rayon Polis İdarəsinin əməkdaşlarına təşəkkürlərini bildirir. 

Vətəndaş Günel Hacıyeva DİN-in “Instagram” səhifəsinə təşəkkür mesajı göndərib. O, müraciəti ilə əlaqədar Sabunçu RPİ-nin rəhbərliyi tərəfindən qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
G.Hacıyeva vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.

Vətəndaş Famil İsmayılov məktubunda üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir. 

Bakı şəhər sakini İbrahim Məhərrəmov DİN-ə ünvanladığı məktubunda Nəsimi Rayon Polis İdarəsinə etdiyi müraciətinə operativ reaksiya verildiyini qeyd edir. O, müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Ülkər Məmmədova “102” Xidməti-Zəng Mərkəzinə ünvanladığı müraciətinə operativ baxıldığını, Nəsimi Rayon Polis İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək Nəsimi Rayon Polis İdarəsinin əməkdaşlarına minnətdarlığını bildirir.

Vətəndaş Jalə Şeydayeva DİN-in “Instagram” səhifəsinə təşəkkür mesajı yazıb. O, mobil telefonunun oğurlanması ilə bağlı Metropolitendə Polis İdarəsinə etdiyi müraciətinə dərhal reaksiya verildiyini və polis əməkdaşlarının operativliyi sayəsində telefonunun qısa müddətdə tapılaraq ona təhvil verildiyini yazır.
Vətəndaş müraciətinə həssas yanaşılmasına, göstərilən diqqətə və operativliyə görə Azərbaycan polisinə təşəkkürünü bildirir. 

Vətəndaş Jasmin Abdullayeva DİN-in “Instagram” səhifəsinə təşəkkür mesajı yazıb. O, “102” Xidməti-Zəng Mərkəzinə etdiyi müraciəti ilə əlaqədar Xətai RPİ-nin 37-ci Polis Şöbəsinin əməkdaşları tərəfindən obyektiv araşdırma aparıldığını və məsələnin qısa müddətdə müsbət həll olunduğunu yazır. J.Abdullayeva müracətinə operativ baxılmasına görə Xətai Rayon Polisi İdarəsinin əməkdaşlarına təşəkkürünü bildirir.

Vətəndaş Fikrət Camalov DİN-in “Instagram” səhifəsinə təşəkkür mesajı yazıb. O,müraciətinə həssas yanaşıldığına və həyata keçirilən operativ tədbirlərə görə özü və ailəsi adından DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir. 

Vətəndaş Nurlan Ələkbərov DİN-in “Instagram” səhifəsinə mesajında üzləşdiyi yol-nəqliyyat hadisəsi ilə bağlı aparılan obyektiv araşdırmaya görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.