Naxçıvan Muxtar Respublikası Culfa şəhər sakini Əkbər Rəhimov Azərbaycan Respublikasının Daxili İşlər Nazirliyinə ünvanladığı teleqramda üzləşdiyi dələduzluq faktı ilə bağlı müraciətinə Naxçıvan MR Daxili İşlər Nazirliyində operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Azərbaycan Respublikası Daxili İşlər Nazirliyinin rəhbərliyinə təşəkkürünü bildirir.

Gəncə şəhər sakini Zülfiyyə İsayeva DİN-in “Instagram” səhifəsinə təşəkkür mesajı yazıb. O, müraciətinə çevik reaksiya verildiyinə və həyata keçirilən müvafiq tədbirlərə görə DİN rəhbərliyinə minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Vətən müharibəsi qazisi Vüqar İbrahimli DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə bağlı müraciəti ilə əlaqədar Nərimanov Rayon Polis İdarəsinə dəvət olunduğunu, yüksək hörmətlə qarşılandığını və müvafiq köməklik göstərildiyini qeyd edərək DİN rəhbərliyinə və Nərimanov RPİ-nin əməkdaşlarına minnətdarlığını bildirir.

Vətəndaş Rəssam Gülməmmədov DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq müsbət həll olunduğuna görə DİN rəhbərliyinə və Sabunçu RPİ-nin əməkdaşlarına minnətdarlığını bildirir.

DİN Daxili Qoşunlarının şəhid hərbi qulluqçusu Camal Səmədovun atası Vüqar Səmədov Daxili İşlər Nazirliyinə ünvanladığı təşəkkür məktubunda şəhid ailələrinə göstərilən diqqət və qayğıya görə başda DİN rəhbərliyi olmaqla, Neftçala RPŞ-nin rəhbərliyinə və əməkdaşlarına minnətdarlığını bildirir.

Vətəndaş Elçin Rəhimzadə üzləşdiyi problemin həllində ona göstərilən köməkliyə görə Bakı Şəhər Baş Polis İdarəsinin əməkdaşlarına təşəkkürünü bildirir. 

Vətəndaş Tünzalə Məmmədova mobil telefonunun oğurlanması ilə bağlı etdiyi müraciətdə həmin şəxsin tutularaq ona dəyən ziyanın ödənilməsində göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Ülvi Gülüşov ona qarşı törədilən kiber dələduzluq faktı ilə bağlı şikayətinə operativ baxılaraq dəyən maddi ziyanın ödənilməsində göstərilən köməkliyə görə Abşeron Rayon Polis İdarəsinin əməkdaşlarına təşəkkürünü bildirir. 

Naxçıvan şəhər sakini Hacı Abdullayev etdiyi müraciətə operativ və obyektiv baxılaraq probleminin müsbət həllini tapmasında göstərilən köməkliyə görə DİN rəhbərliyinə minnətdarlığını bildirir.