Vətəndaş Mirsaleh Kişiyev öz təşəkkür məktubunda yaşadığı rayonda cinayətkarlıqla mübarizə istiqamətində görülən effektiv mübarizə tədbirlərinə görə Lənkəran Şəhər Rayon Polis Şöbəsinin əməkdaşlarının fəaliyyətindən məmnunluğunu bildirir.

Cəlilabad rayon sakini Kənan Nağdıyev bölgələrdə təşkil olunan vətəndaş qəbullarında iştirak üçün gələn sakinlərin diqqətlə və həssaslıqla dinlənilməsinə, lazımi köməkliyin göstərilməsinə və müraciətlərinin operativ qaydada həlli istiqamətində aidiyyəti üzrə göstərişlərin verilməsinə görə DİN rəhbərliyinə minnətdarlığını bildirir.

Vətəndaş İqbal Əliyev və Samir Əliyev öz təşəkkür məktublarında Lənkəranda keçirilən vətəndaş qəbulu zamanı müraciətlərinə həssaslıqla yanaşılmasına və onlara lazımi köməkliyin göstərilməsinə görə DİN rəhbərliyinə minnətdarlıqlarını bildirirlər.

Masallı rayon sakini Hacırza Nağıyev müraciətinə operativ qaydada baxılmasına görə DİN rəhbərliyinə təşəkkürünü bildirir.

Vətəndaş Fəridə Rüstəmova DİN rəhbərliyinə ünvanladığı təşəkkür məktubunda mülki öhdəlikdən yayınan şəxsin tapılaraq aidiyyəti üzrə təhvil verilməsinə görə Biləsuvar Rayon Polis Şöbəsinin rəhbərliyinə və aidiyyəti əməkdaşlara minnətdarlığını bildirir.

Biləsuvar rayon sakini İdris Mirzəyev müraciətinə rayon polis şöbəsində obyektiv qaydada baxılmasına, məsələnin müsbət həllini tapmasına görə təşəkkürünü bildirir.

Vətəndaş Asif Abdullayev öz təşəkkkür məktubunda müraciəti ilə əlaqədar Masallı Rayon Polis Şöbəsində aparılan araşdırmanın gedişindən məmnunluğunu ifadə edir.

Vətəndaş Davud Əsgərov DİN-in “Instagram” səhifəsinə ünvanladığı mesajında müraciətinin müsbət həll olunaraq narahatlığına son qoyulmasına və ona dəymiş maddi ziyanın ödətdirilməsində Azərbaycan Polisinə təşəkkürünü bildirir 

Vətəndaş Ruhiyyə Rüstəmova DİN-in “Instagram” səhifəsinə ünvanladığı mesajında obyektiv araşdırılaraq probleminin müsbət həll olunduğuna və ona dəymiş maddi ziyanın ödətdirilməsində Nizami Rayon Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.