Vətəndaş Ürfan Alıyev DİN-in “Instagram” səhifəsi vasitəsilə təşəkkür məktubu ünvanlayıb: “Sentyabrın 6-da Nərimanov rayonu ərazisində baş vermiş yol-nəqliyyat hadisəsi ilə əlaqədar olaraq rayon polis idarəsinin rəhbərliyi tərəfindən qəbul olundum, aparılan təhqiqat araşdırması ilə bağlı müvafiq tapşırıqlar verildi. Göstərilən operativ xidmətə görə DİN rəhbərliyinə və bütün polis əməkdaşlarına öz dərin minnətdarlığımı bildirirəm”.

Bakı şəhər sakini Xuraman Həsənova məktubunda üzləşdiyi dələduzluq faktı ilə bağlı müraciətinə operativ baxıldığını, Səbail Rayon Polis İdarəsində araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə və Səbail Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Abşeron rayon sakini Umutvar Umudov DİN rəhbərliyinə təşəkkür məktubu yazaraq müraciətinin müsbət həll olunduğu üçün Azərbaycan Polisinə minnətdarlığını bildirir. 

Abşeron rayon S.Məmmədov adına Digah qəsəbə tam orta məktəbin direktoru Elvin Şərbətov DİN-in “Instagram” səhifəsinə təşəkkür məktubu yazaraq məktəbin kollektivi adından aztəminatlı şagirdlərə göstərdikləri dəstək və qayğıya görə Abşeron RPİ-nin və Mehdiabad Polis Bölməsinin əməkdaşlarına minnətdarlığını bildirir. 

Sosial şəbəkə istifadəçiləri Yəhya Hüseynzadə və Elvin Abbasov DİN-in “Instagram” səhifəsinə təşəkkür məktubu yazaraq baş verimiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmalar zamanı ona göstərilən yüksək diqqət və qayğıya görə Azərbaycan Polisinə minnətdarlığını bildirir.

Gəncə şəhər sakini Orxan İsmayılov xidməti fəaliyyətlərini layiqincə yerinə yetirdiklərinə görə Gəncə ŞBPİ-nin Dövlət Yol Polisi Şöbəsinin əməkdaşlarına minnətdarlığını bildirir.

Sosial şəbəkə istifadəçisi Gülnar İsmayılova xidməti vəzifələrini və peşə fəaliyyətlərini layiqincə yerinə yetirdiklərinə görə DİN-in əməkdaşlarına minnətdarlığını bildirir.

Vətəndaş Pərvin Abışova müraciətinə operativ baxılaraq obyektiv araşdırılmasına və onu narahat edən məsələnin həllini tapmasında göstərdikləri köməkliyə görə daxili işlər orqanları əməkdaşlarına təşəkkürünü bildirir. 

Qazax rayon sakini Minayə Məmmədova məktubunda narkotiklərə qarşı mübarizədə göstərdikləri cəsarət və fədakər xidmətlərinə görə Qazax Rayon Polis Şöbəsinin əməkdaşlarına təşəkkürünü bildirir.