Masallı rayon sakini Bəxtiyar Hüseynov peşəkar və yorulmaz fəaliyyətə görə Azərbaycan Polisinin işini yüksək qiymətləndirir, bütün polis əməkdaşlarına öz təşəkkürünü bildirir.

Lənkəran rayon sakini Elxan Əzimov DİN rəhbərliyinə ünvanladığı təşəkkür məktubunda müraciəti ilə əlaqədar Lənkəran Şəhər Rayon Polis Şöbəsinin rəhbərliyi tərəfindən qəbul edilməsinə və vətəndaş məmnunluğunun təmin olunmasına görə minnətdarlığını bildirir.

Cəlilabad rayon sakini Tural Babayev, Masallı rayon sakini İsrafil İsrafilov DİN rəhbərliyinə ünvanladıqları təşəkkür məktublarında müraciətlərinin Masallı Rayon Polis Şöbəsində obyektiv və hərtərəfli şəkildə şəkildə araşdırılmasına görə minnətdarlıqlarını bildirirlər.

Cəlilabad rayon sakini Aqil Pənahov öz təşəkkür məktubunda asayişin və ictimai təhlükəsizliyin etibarlı şəkildə qorunmasına, cinayətkarlığa qarşı aparılan qətiyyətli mübarizə tədbirlərinə görə DİN rəhbərliyinə minnətdarlığını ifadə edir.

Masallı rayon sakini Azər Aliyev və  Lənkəran rayon sakini İslam Fərzəliyev öz təşəkkür məktublarında bölgələrdə təşkil olunan vətəndaş qəbullarına, vətəndaşların müraciətlərinə həssaslıqla yanaşılmasına və qaldırılan məsələlərin qısa zamanda müsbət həllini tapmasına görə DİN rəhbərliyinə minnətdarlıqlarını bildirirlər.

Biləsuvar rayon sakini Samir Rzalı DİN rəhbərliyinə ünvanladığı təşəkkür məktubunda müraciətinin müsbət həllini tapdığını, ona lazımi köməkliyin göstərildiyini qeyd edərək Biləsuvar Rayon Polis Şöbəsinin rəhbərliyinə minnətdarlığını bildirir.

Lənkəran rayon Vilvan kənd sakini Rəfail Maliyev öz təşəkkür məktubunda rayon ərazisində ictimai asayişin qorunmasına, yollarda hərəkətin təhlükəsizliyinin etibarlı şəkildə təmin olunmasına, xüsusilə təhsil ocaqlarının qarşısında dövlət yol polisi əməkdaşlarının effektiv fəaliyyətinin təşkil olunmasına görə Lənkəran Şəhər Rayon Polis Şöbəsinin rəhbərliyinə və yol polisi əməkdaşlarına minnətdarlığını bildirir.

Cəlilabad rayon sakini Ədalət Şahbazov öz təşəkkür məktubunda müraciətinin operativ qaydada həllini tapmasına görə Rayon Polis Şöbəsinin rəhbərliyinə öz təşəkkürünü bildirir.

Bərdə rayon sakini Yusif Yusifov Daxili İşlər Nazirliyinə ünvanladığı teleqramda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.