Vətəndaş Çinarə Talıbova DİN-in “Instagram” səhifəsinə mesajında müraciətinə diqqətlə yanaşılmasına, obyektivliyə və müraciətinin qısa müddətdə müsbət həll olunmasına görə Azərbaycan Polisinə təşəkkürünü bildirir. 

Vətəndaş Kərim Abasov DİN-in “Instagram” səhifəsinə yazdığı mesajında müraciətinə operativ şəkildə baxıldığına və görülmüş tədbirlərlə probleminin qısa müddətdə aradan qaldırılmasına görə Səbail RPİ-nin 41-ci Polis Bölməsinin əməkdaşlarına təşəkkürünü bildirir.

Bakı şəhər sakini Rüfət İsmayılov Daxili İşlər Nazirliyinə ünvanladığı məktubunda üzləşdiyi problemlə bağlı müraciət etdiyini, operativ tədbirlərin həyata keçirildiyini, müraciətinin müsbət həll olunaraq narahatlığına son qoyulmasına görə Nizami Rayon Polis İdarəsinin əməkdaşlarına təşəkkürünü bildirir.

Abşeron rayon sakini Məhərrəm Məhərrəmov Daxili İşlər Nazirliyinə təşəkkür məktubu ünvanlayıb. O, müraciətinə operativ baxıldığına, Sumqayıt Şəhər Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə Azərbaycan Polisinə təşəkkürünü bildirir.

Vətəndaş Münasib Səfərov DİN-in “Instagram” səhifəsinə yazdığı mesajında üzləşdiyi yol-nəqliyyat faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir. 

Abşeron rayon sakini İmaməddin Qanışov üzləşdiyi mənimsəmə faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Yasamal Rayon Polis İdarəsinin əməkdaşlarına minnətdarlığını bildirir.

Bakı şəhər sakini Nurcan Qasımova müraciətinə dərhal reaksiya verildiyinə və üzləşdiyi problemin aradan qaldırılmasında göstərilən köməkliyə görə Bakı Şəhər Baş Polis İdarəsinin əməkdaşlarına təşəkkürünü bildirir.

Vətəndaş Ramin Əhmənov DİN-in “Instagram” səhifəsinə yazdığı mesajında pul kisəsini itirməsi ilə bağlı müraciətinə dərhal reaksiya göstərildiyinə və qısa zamanda tapılaraq ona təhvil verildiyinə görə DİN rəhbərliyinə və Sabunçu RPİ-nin 13-cü Polis Şöbəsinin əməkdaşlarına minnətdarlığını bildirir.

Bakı şəhər sakini Araz Səmədov məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN rəhbərliyinə minnətdarlığını ifadə edir.