Bakı şəhər sakini Sevinc Səfərova DİN-in “Instagram” səhifəsinə ünvanladığı təşəkkür mesajında vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq narahatlığına son qoyulmasına görə DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir. 

Vətəndaş Rəşad Mustafayev DİN-in “Instagram” səhifəsinə təşəkkür mesajı yazıb. Fotoqraf olan R.Mustafayev Pirşağı qəsəbəsi ərazisində dəniz sahilində çəkiliş edərkən avtomobilnin quma batdığını, bu zaman ərazidə Post-Patrul Xidməti avtomobilində xidmət aparan polis əməkdaşlarının ona yaxınlaşaraq köməklik göstərdiklərini bildirir. O, göstərilən köməyə və humanistliyə görə şərəfli Azərbaycan polisinə təşəkkürünü bildirir. 

Vətəndaş G.Cəfərova DİN-in “Facebook” səhifəsinə təşəkkür mesajı yazıb. O, taksi sürücüsü tərəfindən kobud rəftara məruz qalması barədə müraciətinə dərhal reaksiya verilməsinə, Bakı Şəhər Baş Polis İdarəsində araşdırma aparılaraq qısa müddətdə müraciətinin müsbət həll olunmasına görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir. 

Bakı şəhər sakini Nizami Cəfərov məktubunda respublika ərazisində, o cümlədən paytaxtın Sabunçu rayonu ərazisində narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Elçin İsmayılov məktubunda müraciəti ilə bağlı Baş Dövlət Yol Polisi İdarəsinin “Siqnal” İxtisaslaşdırılmış Layihə-İstehsalat İdarəsində qəbul edildiyini, nəzakətlə qarşılanaraq dinlənildiyini və müraciətinin qısa müddətdə müsbət həll olunduğunu qeyd edir. O, müraciətinə diqqətlə yanaşılmasına, xoş rəftara və göstərilən xidmətə görə DİN rəhbərliyinə və “Siqnal” İLİİ-nin əməkdaşlarına təşəkkürünü bildirir. 

Bakı şəhər sakini Fəqan Əliyev məktubunda Daxili İşlər Nazirliyinə ünvanladığı müraciətinə çevik reaksiya verilməsinə və müvafiq araşdırmalara başlanılmasına görə DİN rəhbərliyinə minnətdarlığını bildirir.

Vətəndaş Məhəmməd Bayramzadə ona qarşı dələduzluq edilməsi ilə bağlı müraciətinə tez bir zamanda baxılaraq dəyən ziyanın tam şəkildə ödənilməsində göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.   O, Azərbaycan Polisinin gərgin xidməti fəaliyyətini təqdir edir.

44 günlük Vətən müharibəsi iştirakçısı olan Rəşad Borcəliyev şikayətinə operativ baxılaraq onu narahat edən məsələnin həllini tapmasında göstərdikləri köməkliyə Suraxanı RPİ 30-cu Polis Bölməsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətini təqdir edir.

Vətəndaş Emil Qənbərov ona qarşı dələduzluq edilməsi ilə bağlı müraciətinə tez bir zamanda baxılaraq həllini tapmasında göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.