Vətəndaş Şahnigar Yusifova vətəndaş müraciətlərinə həssaslıqla yanaşılmasına görə Azərbaycan Polisinin xidməti fəaliyyətini təqdir edir. O, probleminin həllini tapmasında göstərilən köməkliyə görə Nəsimi RPİ-nin 22-ci Polis Şöbəsinin əməkdaşlarına təşəkkürünü bildirir.

Vətəndaş Tatyana Suvorina müraciətinə operativ baxılaraq obyektiv araşdırma aparılmasına görə Bakı Şəhər Baş Polis İdarəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Cəlilabad rayon sakini Nadir Baxşəliyev Daxili İşlər Nazirliyinə ünvanladığı teleqramda xidməti vəzifələrini layiqincə yerinə yetirən Cəlilabad Rayon Polis Şöbəsinin rəhbərliyinə və əməkdaşlarına təşəkkürünü bildirir.

Sumqayıt şəhər sakini Elvira Məmmədova Daxili İşlər Nazirliyinə ünvanladığı məktubunda mütamadi olaraq sərnişin qatarlarından istifadə etdiyini yazır. O, sərnişinlərə diqqətlə yanaşan, nəzakətlə davranan, ictimai təhlükəsizliyi etibarlı qoruyan NBPİ-nin Dəmir Yolu Nəqliyyatında Polis İdarəsinin əməkdaşlarına minnətdarlığını bildirir.

Saatlı rayon sakini Eldəniz Cəfərli Daxili İşlər Nazirliyinə ünvanladığı teleqramda müraciəti ilə əlaqədar Saatlı rayonunda keçirilən vətəndaş qəbulunda DİN rəhbərliyi tərəfindən qəbul edildiyi üçün minnətdarlığını bildirir.

Abşeron rayon sakini Raqif Məmmədov Daxili İşlər Nazirliyinə ünvanladığı məktubunda müraciətinin araşdırılaraq müvafiq tədbirlərin görüldüyünə və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir.

Quba rayon sakini Rəvanə Niyazova məktubunda Quba Rayon Polis Şöbəsində aparılan araşdırma nəticəsində müraciətinin müsbət həll olunmasını qeyd edir. O, müraciətinə diqqətlə yanaşılmasına, obyektivliyə və dəymiş maddi ziyanın ödətdirilməsində göstərilən köməkliyə görə Quba Rayon Polis Şöbəsinin əməkdaşlarına təşəkkürünü bildirir. 

Sosial şəbəkə istifadəçisi Gülnar Quliyeva onun və tanışlarının etibarından sui-istifadə edərək külli miqdarda pullarını ələ keçirərək şəxsin saxlanılaraq məsuliyyətə cəlb olunmasında əməyi keçən Nərimanov RPİ İstintaq Şöbəsinin əməkdaşlarına minnətdarlığını bildirir. 

Sosial şəbəkə istifadəçisi Əli Quliyev üzləşdiyi yol-nəqliyyat hadisəsi ilə bağlı operativ və obyektiv araşdırmanın aparılmasına görə Nərimanov RPİ-nin əməkdaşlarına təşəkkürünü ifadə edir.