Bakı şəhər sakini Elman Manafov DİN-in “Instagram” səhifəsinə mesaj yazaraq baş vermiş yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq müsbət həll edildiyinə görə DİN rəhbərliyinə təşəkkürünü bildirir.

İsmayıllı rayon sakini Altun Ağazadə məktubunda sürücülük vəsiqəsini dəyişmək məqsədilə yaxınlaşdığı “ASAN xidmət” mərkəzində ona göstərilən operativ xidmətə görə Baş Dövlət Yol Polisi İdarəsinin əməkdaşlarına təşəkkürünü bildirir.

Bakı şəhər sakini Aynurə Məmmədəliyeva DİN-in “Instagram” səhifəsinə təşəkkür mesajı yazıb: “Yol-nəqliyyat hadisəsi ilə bağlı müraciət etmişdim. Çox sevinirəm ki, mənim müraciətimə belə operativ şəkildə baxıldı. Polisimizin belə operativ xidmət etməsinə, vətəndaşların müraciətlərinə tez bir zamanda baxılmasına görə DİN rəhbərliyinə minnətdarlığımı bildirirəm”. 

Vətəndaş Həzinə Abbasova məktubunda üzləşdiyi dələduzluq faktı ilə bağlı müraciəti ilə əlaqədar Nərimanov Rayon Polis İdarəsinin 16-cı Polis Bölməsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Vətəndaş Rauf Dünyamalıyev məktubunda üzləşdiyi yol-nəqliyyat hadisəsi ilə bağlı müraciətinə çevik reaksiya verildiyini, Nərimanov Rayon Polis İdarəsinin Dövlət Yol Polisi Şöbəsinə dəvət olunaraq dinlənildiyini və müvafiq araşdırmalara başlanıldığını bildirir. R.Dünyamalıyev vətəndaş müraciətlərinə, o cümlədən onun müraciətinə çevik reaksiya verilməsinə, dəvət olunaraq yüksək hörmətlə qarşılanmasına, xoş rəftar və nəzakətli davranışa, göstərilən diqqət və qayğıya, eyni zamanda obyektiv araşdırmalara görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Lənkəran şəhər sakini Şükür Bayramov məktubunda Baş Dövlət Yol Polisi İdarəsinin Lənkəran şəhərində 5 saylı rayonlararası qeydiyyat-imtahan və texniki baxış şöbəsində vətəndaş məmnunluğu üçün yaradılan şəraitə və şöbə əməkdaşlarının operativ xidmətinə görə DİN rəhbərliyinə təşəkkürünü bildirir.  

Bakı şəhər sakini Zaur Əhmədov DİN-in “Facebook” səhifəsinə təşəkkür mesajı yazıb. O, müraciətinə operativ baxılaraq müsbət həll olunduğuna görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir.

Bakı şəhər sakini Mansur Məhsulov Daxili İşlər Nazirliyinə ünvanladığı məktubunda respublikamızda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Goranboy rayon sakini Aytən Cəfərova Daxili İşlər Nazirliyinə ünvanladığı teleqramda müraciətinə diqqətlə yanaşıldığına və araşdırılaraq qısa müddətdə müsbət həll edildiyinə görə DİN-in Maliyyə-Plan İdarəsinin rəhbərliyinə və əməkdaşlarına təşəkkürünü bildirir.