Sosial şəbəkə istifadəçisi Hikmət Sadıqov DİN-in “İnstagram” səhifəsinə  minnətdarlıq məktubu yazaraq işlədiyi marketdən oğurluq olması barədə Abşeron RPİ-yə etdiyi müraciətin dərhal nəzarətə götürüldüyünü, oğurluqda şübhəli bilinən şəxsin qısa müddətdə tapılaraq ona dəymiş maddi ziyanın qaytarıldığını qeyd edərək, DİN rəhbərliyinə və Abşeron Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Taryel Bağırov DİN-in “İnstagram” səhifəsinə  təşəkkür məktubu yazaraq itirdiyi mobil telefonun tapılaraq ona geri qatarılmasında göstərdikləri köməkliyə görə Səbail Rayon Polis İdarəsinin 41-ci Polis Bölməsinin əməkdaşlarına minnətdarlığını bildirir. 

Sosial şəbəkə istifadəçisi Aqil Cəfərov üzləşdiyi dələduzluq hadisəsi barədə Bakı Şəhər Baş Polis İdarəsinə etdiyi müraciətə çevik reaksiya verildiyini, ona dəymiş maddi ziyanın tam ödənildiyini qeyd edərək Azərbaycan polisinə minnətdarlığını bildirir.

Sosial şəbəkə istifadəçisi Kamal Hacıyev DİN-in “İnstagram” səhifəsinə  minnətdarlıq məktubu yazaraq müraciətinin müsbət həll olunduğuna görə DİN rəhbərliyinə təşəkkürünü bildirir. 

Lənkəran rayon sakini Tural Paşayev məktubunda rayon ərazisində ictimai asayişin etibarlı qorunmasına, cinayətkarlığa, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə, həmçinin vətəndaşlara göstərilən diqqət və qayğıya görə Lənkəran Şəhər Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayırlar.

Vətəndaş Aynurə Abbasova DİN-in “Instagram” səhifəsinə təşəkkür mesajı yazıb. O, səhhətində problem yaranan azyaşlı övladının xəstəxanaya çatdırılmasında göstərdikləri köməkliyə görə yaşadıqları Sabunçu rayonu ərazisində xidmət aparan polis əməkdaşlarına minətdarlığını bildirir.

Vətəndaş Zəka İbrahimov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə bağlı müraciəti ilə əlaqədar obyektiv araşdırma aparılaraq qısa müddətdə müsbət həll olunduğuna və dəymiş ziyanın ödətdirilməsində göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Sevinc Səfərova DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunduğuna görə DİN rəhbərliyinə minnətdarlığını bildirir.

Sumqayıt şəhər sakini Rəşad Şirinov Daxili İşlər Nazirliyinə ünvanladığı məktubunda mənzilində baş vermiş oğurluq hadisəsi ilə bağlı Sumqayıt ŞPİ 4-cü Polis Bölməsinə müraciət etdiyini, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və cinayət əməlini törədən şəxslərin saxlanıldığını qeyd edir.
R.Şirinov müraciətinə diqqətlə yanaşıldığına və həyata keçirilən operativ tədbirlərə görə DİN rəhbərliyinə və Sumqayıt Şəhər Polis İdarəsinin əməkdaşlarına minnətdarlığını bildirir.