Vətəndaş Xəyalə Rüstəmova DİN-in “Facebook” səhifəsinə təşəkkür mesajı yazıb. O, səhifə vasitəsilə ünvanladığı müraciətinə həssaslıqla yanaşılmasına və həyata keçirilən operativ tədbirlərə görə DİN rəhbərliyinə minnətdarlığını bildirir. 

Vətəndaş Naib Rzayev məktubunda barəsində tərtib olunmuş protokolla bağlı müraciətinə operativ baxılmasına və obyektiv araşdırma aparılaraq qısa müddətdə müsbət həll olunmasına görə DİN rəhbərliyinə təşəkkürünü bildirir. 

Vətəndaş Ruziya Yusibova DİN-in “İnstagram” səhifəsinə yazdığı təşəkkür mesajında müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə, o cümlədən Pirallahı Rayon Polis İdarəsinin əməkdaşlarına təşəkkürünü bildirir. 

Vətəndaş Aylı Ağayeva DİN-in “İnstagram” səhifəsinə təşəkkür mesajı yazıb. O, Nərimanov Rayon Polis İdarəsinin 16-cı Polis Şöbəsinə etdiyi  müraciətlə əlaqədar araşdırma aparılaraq müvafiq tədbirlərin görüldüyünü və müraciətinin qısa müddətdə müsbət həll olunduğunu qeyd edərək Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Qadir Cəfərov DİN-in “Facebook” səhifəsinə təşəkkür mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir. 

Vətəndaş Mahir Məmmədov məktubunda müraciəti ilə bağlı Bakı Şəhər Baş Polis İdarəsinə dəvət olunduğunu, yüksək hörmətlə qarşılandığını, obyektiv araşdırma aparılaraq müraciətinin müsbət həll olunduğunu qeyd edir. O, göstərilən diqqətə, obyektivliyə və operativliyə görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir. 

Bakı şəhər sakini, Qarabağ müharibəsi əlili olan Faiq Cabbarov məktubunda oğlunun polis orqanlarında xidmətə qəbul edildiyini yazır. O, daxili işlər orqanlarında gənc əməkdaşlara göstərilən etimadın təqdirəlayiq olduğunu qeyd edir, həmçinin şəhid, qazi ailələrinə və müharibə iştirakçılarına göstərilən diqqət və qayğıya görə DİN rəhbərliyinə minnətdarlığını bildirir.

Vətəndaş Aygün Əliyeva DİN-in “Instagram” səhifəsinə mesajında Xətai Rayon Polis İdarəsində aparılan araşdırma nəticəsində müraciətinin müsbət həll olunduğunu yazır. O, müraciətinə diqqətlə yanaşılmasına, obyektiv araşdırmaya və dəymiş maddi ziyanın ödətdirilməsində göstərilən köməkliyə görə Xətai Rayon Polis İdarəsinin əməkdaşlarına təşəkkürünü bildirir. 

Vətəndaş Arzu Maksumova DİN-in “Instagram” səhifəsinə yazdığı təşəkkür mesajında müraciətinə diqqətlə yanaşılmasına və qısa müddətdə müsbət həll olunduğuna görə Pirallahı Rayon Polis İdarəsinin əməkdaşlarına təşəkkürünü bildirir.