Vətəndaş Kamran Həsənov öz məktubunda belə operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə özü, ailəsi və işlədiyi şirkətin əməkdaşları adından polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Ziyədəli Bayramov hətta polisin səlahiyyətinə aid olmasa belə, vətəndaş məmnunluğu üçün müraciətlərə həssas yanaşılmasına, göstərilən humanistliyə və qayğıya görə DİN rəhbərliyinə minnətdarlığını bildirir. 

Vətəndaş Vahidə Mustafayeva üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Vətəndaş Hüseynağa Hüseynov müraciətinə operativ baxıldığını, Abşeron Rayon Polis İdarəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir.

Vətəndaş Aytən Məmmədova pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, Bakı Şəhər Baş Polis İdarəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir. 

Vətəndaş Muraz Əhmədov yol hərəkəti təhlükəsizliyinin təmin olunması istiqamətində görülən işlərə, etdiyi müraciətin qısa zaman ərzində operativ şəkildə həll edildiyinə görə DİN Baş Dövlət Yol Polis İdarəsinin əməkdaşlarına minnətdarlığını bildirir, çətin və şərəfli fəaliyyətlərində uğurlar arzulayır.

Vətəndaş Mahir Şamilli yol hərəkəti təhlükəsizliyinin təmin olunması istiqamətində görülən işlərə görə DİN Baş Dövlət Yol Polis İdarəsinin əməkdaşlarına minnətdarlığını bildirir, çətin və şərəfli fəaliyyətlərində uğurlar arzulayır.

Vətəndaş Samir Hüseynov üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və Nərimanov Rayon Polis İdarəsinin 18-ci Polis Bölməsi əməkdaşlarına minnətdarlığını bildirir.

Vətəndaş Həsənov Əbülfət məktubunda müraciəti ilə bağlı müvafiq polis idarəsində yüksək hörmətlə qarşılandığını və müraciətinin müsbət həll olunduğunu qeyd edir.Və ona göstərilən diqqət və qayğıya görə DİN rəhbərliyinə və bütün polis əməkdaşlarına təşəkkürünü bildirir.